შალვა პაპუაშვილი - 26 ოქტომბერს იქნება ყველაზე იოლი არჩევნები - ერთ მხარეს „ქართული ოცნება“, რომელმაც უზრუნველო, რომ ქვეყანა ვერავინ ჩაითრია ომში, მეორე მხარეს კი კოლექტიური შადიმანები და სერგო ორჯონიკიძეები

26 ოქტომბერს იქნება ყველაზე იოლი არჩევნები, ვინაიდან ქართველ ხალხს ექნება არჩევანი - ერთ მხარეს „ქართული ოცნება“, რომელიც დგას ქართველი ხალხის ინტერესების სადარაჯოზე, რომელმაც უზრუნველო, რომ ქვეყანა ვერავინ ჩაითრია ომში და ეკონომიკურ კოლაფსში, ხოლო მეორე მხარეს კოლექტიური შადიმანები და სერგო ორჯონიკიძეები, - ამის შესახებ საკანონმდებლო ორგანოს თავმჯდომარემ შალვა პაპუაშვილმა ჟურნალისტებს განუცხადა.

პაპუაშვილის თქმით, ოპოზიციამ საკუთარი სახე აჩვენა და ისინი საარჩევნო კამპანიას საქართველოში არ აწარმოებენ.

„ოპოზიციამ თავისი სახე უკვე აჩვენა. მათ მთლიანად გააშიშვლეს საკუთარი პოლიტიკური პოზიცია, რომ ისინი არიან უცხო ძალების დაკვეთის შემსრულებლები და ინტერესების გამტარებლები საქართველოში. მათ ქართველ ხალხთან არანაირი კავშირი არ აქვთ. მათი სახელები და გვარებია ქართული, სხვა არაფერი ქართული არაა. ეს ყველამ დაინახა.

ისინი საარჩევნო კამპანიას საქართველოში არ აწარმოებენ. თავს აწონებენ საკუთარ პატრონებს. არწმუნებენ, რომ ისინი უფრო დაბეჯითებით შეასრულებენ მათ დაკვეთებს და დავალებებს. 26 ოქტომბერს იქნება ყველაზე იოლი არჩევნები, ვინაიდან ქართველ ხალხს ექნება არჩევანი, რომელზეც ჩვენ ხშირად გვიფიქრია, როდესაც ჩვენს ისტორიას ვეცნობოდით, საიდან ჩნდებოდნენ ეს შადიმანები და მოღალატეები, რომლებიც მზად იყვნენ წასულიყვნენ სხვა ქვეყნის დედაქალაქებში და ცრუ დასმენებით გამოეწვიათ ცეცხლი და ხმალი საქართველოს წინააღმდეგ. 26 ოქტომბერს ქართველ ხალხს უნიკალური შესაძლებლობა ექნება, რომ აირჩიოს ერთ მხარეს „ქართული ოცნება“, რომელიც დგას ქართველი ხალხის ინტერესების სადარაჯოზე, რომელმაც უზრუნველო, რომ ვერავინ ვერ ჩაითრია ომში და ეკონომიკურ კოლაფსში, ხოლო მეორე მხარეს კოლექტიური შადიმანები და სერგო ორჯონიკიძეები. ექნებათ პირველი უნიკალური შესაძლებლობა, რომ ამ არჩევანით დაანახონ ყველას, რომ ქართველი ხალხი თავის ეროვნულ ინტერესებს არ გადაუხვევს და საბოლოოდ დაასანქცირებს ოპოზიციას ამ არჩევნებით“, - განაცხადა შალვა პაპუაშვილმა.

გარდა ამისა, კითხვაზე, როგორ შეაფასებდა პაპუაშვილი ბაჩო დოლიძის მიერ პარტია „ახალის“ დატოვებას, პარლამენტის თავმჯდომარემ აღნიშნა, რომ „შხამიანი თესლიდან კეთილი ნაყოფი ვერ ამოიზრდება“.

„იმაზე [მიუთითებს], რომ შხამიანი თესლიდან კეთილი ნაყოფი ვერ ამოიზრდება. როდესაც საქმეს საფუძველში უდევს ქვეყნის ეროვნული ინტერესების ღალატი; როდესაც საქმეს საფუძველში უდევს ზიზღი და სხვა ადამიანების მიმართ ტერორი, რაც „ნაციონალური მოძრაობისთვის“ იყო დამახასიათებელი; როდესაც საფუძველი არაჯანსაღია, ვერც მისი ნაყოფი იქნება ჯანსაღი. ასე უნდა შევხედოთ, რომ აქედან კარგ შედეგს ვერ მივიღებთ“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024