ჯაბა სამუშიამ ფრანგული უნივერსიტეტის დელეგაციასთან სამუშაო შეხვედრა გამართა

თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ პარი-საკლეს ჯგუფის წევრი ევრის უნივერსიტეტის დელეგაციასთან სამუშაო შეხვედრა გამართა. ამის შესახებ ინფორმაციას თბილისის სახელმწიფო უნივერსიტეტი ავრცელებს.

უნივერსიტეტის ინფორმაციით, შეხვედრაზე მხარეებმა ფრანგულ-ქართული პროგრამის - კომპიუტერული მეცნიერება სამაგისტრო საფეხურზე სწავლებაზე იმსჯელეს, რომელსაც თბილისის სახელმწიფო უნივერსიტეტი პარი საკლეს უნივერსიტეტთან და პარტნიორ უნივერსიტეტებთან ერთად განახორციელებს.

ამასთან, როგორც სახელმწიფო უნივერსიტეტის რექტორმა ჯაბა სამუშიამ ფრანგ კოლეგებთან აღნიშნა, კომპიუტერული მეცნიერებების მიმართ ახალგაზრდების დიდი ინტერესია.

მისივე თქმით, საქართველოში კომპიუტერული მეცნიერებების შესწავლით ბევრი უცხოელი სტუდენტია დაინტერესებული. მათ შორის, სტუდენტები შუა აზის ქვეყნებიდან, არაბული სამყაროდან, ინდოეთიდან და მისი მეზობელი ქვეყნებიდან. შესაბამისად, ქართულ-ფრანგული კომპიუტერული მეცნიერების სამაგისტრო პროგრამა იქნება ინგლისურენოვანი. უნივერსიტეტებს შორის თანამშრომლობა კიდევ უფრო უნდა გაძლიერდეს და ხელი შეეწყოს ერთობლივი საგანმანათლებლო პროგრამების განვითარებას.

„ჩვენ დაინტერესებული ვართ თბილისის სახელმწიფო უნივერსიტეტთან გრძელვადიანი თანამშრომლობით. ჩვენი მიზანია, არა მხოლოდ ერთობლივი საგანმანათლებლო პროგრამების განხორციელება სწავლების სხვადასხვა საფეხურზე, არამედ, ერთობლივი კვლევითი პროექტების ხელშეწყობა, სტუდენტების გაცვლა და გამოცდილების გაზიარება“,- აღნიშნა ევრის უნივერსიტეტის პროფესორმა ნაზიმ აგულმინმა.

როგორც უნივერსიტეტის მიერ გავრცელებულ ინფორმაციაშია აღნიშნული, თბილისის სახელმწიფო უნივერსიტეტში ფრანგულ-ქართული პროგრამა „კომპიუტერული მეცნიერება“ ბაკალავრიატზე უკვე ისწავლება პარი საკლეს უნივერსიტეტის (Université Paris-Saclay) ჯგუფის წევრი - ევრის უნივერსიტეტთან (Université Evry Val d'Essonne) თანამშრომლობით და ფრანგულ-ქართული უნივერსიტეტის მხარდაჭერით. კურსდამთავრებულები იღებენ ორ დიპლომს - თსუ კომპიუტერული მეცნიერების ბაკალავრისა და ევრის უნივერსიტეტის დიპლომს ინფორმატიკაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი