გიორგი ამილახვარმა სან დიეგოს სახელმწიფო უნივერსიტეტის დელეგაციასთან სამუშაო შეხვედრა გამართა

საქართველოს განათლების, მეცნიერებისა და ახალგაზრდობის მინისტრმა გიორგი ამილახვარმა სან დიეგოს სახელმწიფო უნივერსიტეტის დელეგაციის წარმომადგენლებს – სან დიეგოს სახელმწიფო უნივერსიტეტის პროვოსტსა და პირველ ვიცე-პრეზიდენტს უილიამ ტონგს, სან დიეგოს სახელმწიფო უნივერსიტეტის ვიცე-პრეზიდენტს კვლევისა და ინოვაციის საკითხებში ჰალა მადანატსა და სან დიეგოს სახელმწიფო უნივერსიტეტის მეცნიერებათა სკოლის დეკანს ჯეფრი რობერტსს უმასპინძლა. ამის შესახებ ინფორმაციას განათლებისა და მეცნიერების სამინისტრო ავრცელებს.

უწყების ცნობით, სამუშაო შეხვედრაზე მხარეებმა 5 მილიონი დოლარის ღირებულების ერთობლივი საგანმანათლებლო პროექტის მიმდინარეობა განიხილეს, რომელიც განათლების, მეცნიერებისა და ახალგაზრდობის სამინისტროს ინიციატივითა და მხარდაჭერით, 2023 წელს დადებული მემორანდუმის საფუძველზე, 4 წლით გაგრძელდა.

„პროექტის ფარგლებში სან დიეგოს სახელმწიფო უნივერსიტეტი – საქართველო ყოველწლიურად 90-მდე სტუდენტს იღებს სამ ინგლისურენოვან საბაკალავრო პროგრამაზე: კომპიუტერული მეცნიერება, კომპიუტერული ინჟინერია და სამოქალაქო ინჟინერია.

გიორგი ამილახვარმა მადლობა გადაუხადა დელეგაციის წევრებს საქართველოს უმაღლესი განათლების მხარდაჭერისთვის და აღნიშნა, რომ მასშტაბური პროექტის ფარგლებში მნიშვნელოვანი შედეგებია მიღწეული, როგორც სტუდენტებისთვის ხარისხიანი განათლების მიწოდების, ასევე საერთაშორისო აკრედიტაციის კუთხით.

შეხვედრაზე მხარეებმა ასევე პროექტის გაფართოების საკითხი განიხილეს და ამ მიმართულებით სამომავლო პარტნიორობის გაღრმავების მზაობა გამოხატეს.

შეხვედრის დასასრულს სან დიეგოს სახელმწიფო უნივერსიტეტის დელეგაციის წარმომადგენლებმა გიორგი ამილახვარს ნაყოფიერი თანამშრომლობისთვის მადლობა გადაუხადეს“, - ნათქვამია ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი