სალომე სამადაშვილი - კობახიძის უკრაინის აღდგენის კონფერენციაში მონაწილეობა სიგნალია, რომ დასავლეთს ბოლომდე არ ჩაეხსნან - როგორც ჩანს, ივანიშვილს ეშინია მათი ბოლომდე გაუცხოების

კობახიძის უკრაინის აღდგენის კონფერენციაში მონაწილეობა სიგნალია, რომ დასავლეთს ბოლომდე არ ჩაეხსნან - როგორც ჩანს, ივანიშვილს ეშინია მათი ბოლომდე გაუცხოების , - ამის შესახებ „ლელოს“ ერთ-ერთმა ლიდერმა სალომე სამადაშვილმა „პალიტრანიუსის“ გადაცემა „360 გრადუსში განაცხადა“, რითაც უპასუხა საქართველოს პრემიერ-მინისტრის ირაკლი კობახიძის ბერლინში, უკრაინის აღდგენის კონფერენციაში მონაწილეობასთან დაკავშირებულ კითხვას.

როგორც მან აღნიშნა, ბიძინა ივანიშვილს, მიუხედავად მისი განცხადებებისა, რომლებშიც დასავლეთი მტრად გამოაცხადა, კარგად ესმის თუ რა დიდ დისკომფორტს შეუქმნის ის, რომ დასავლეთმა სრული ძალებით წნეხის ქვეშ მოაქციოს.

„არ ვიცი ბიძინა ივანიშვილს როგორ წარმოედგინა, მაგრამ როგორც ჩანს, ის მიხვდა, რომ დასავლეთი არ აპირებს, მშვიდად უყუროს, როგორ გადააბარებს ივანიშვილი საქართველოს რუსეთს. ამისი ძალიან ნათელი გზავნილი იყო ამერიკის შეერთებული შტატების მიერ დაანონსებული სანქციების პოლიტიკა და გაფრთხილება, რომ მომავალში სხვა ნაბიჯებიც მომზადებულია. ის პროცესი, რაც დღეს აშშ-ში მიდის, ივანიშვილის რეჟიმის საკანონმდებლო დონეზე დასანქცირება, რაც აშშ-ს და საფრანგეთის პრეზიდენტებმა ერთობლივად გააკეთეს... ვფიქრობ, ივანიშვილს, საბოლოო ჯამში, მიუხედავად თავისი განცხადებებისა, როდესაც დასავლეთი მტრად გამოაცხადა, კარგად ესმის თუ რა დიდ დისკომფორტს შეუქმნის ის, რომ დასავლეთმა სრული ძალებით წნეხის ქვეშ მოაქციოს. ეს მხოლოდ მისთვის, რადგან მას, რა თქმა უნდა, არ აინტერესებს კობახიძე და არავინ სხვა. ამ ხალხმა ხვალ რომ აღარ იარსებოს, არ აინტერესებს, თუ საკითხი პირადად არ ეხება. კობახიძის უკრაინის აღდგენის კონფერენციაში მონაწილეობა ამის სიგნალია, რომ დასავლეთს ბოლომდე არ ჩაეხსნან. როგორც ჩანს, ივანიშვილს ეშინია მათი ბოლომდე გაუცხოების. უკრაინის დახმარების კონფერენციაზე ჩასვლა ვერ შეცვლის იმ დამოკიდებულებას, რაც დღეს დასავლეთს ივანიშვილის რეჟიმის მიმართ აქვს. მას გასაგებად უთხრეს, რა არის მათი მოლოდინი და ეს იგივეა, რაც ქართველი ხალხის მოლოდინი - ქართველ ხალხს მიეცემა შესაძლებლობა, ხელისუფლება თავისუფალი და სამართლიანი არჩევნების გზით აირჩიოს. ხელისუფლებისთვის შემდეგი ნიშნული არჩევნები იქნება. არჩევნებზე აუცილებლად გაიმარჯვებს პროევროპული კოალიცია, ამაში დარწმუნებული ვარ“, - განაცხადა სალომე სამადაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024