ალუდა ღუდუშაური - ემანუელ მაკრონის პოლიტიკა არის პირდაპირ კრახი - ყველამ თვალი უნდა გაუსწოროს რეალობას და უპირველეს ყოვლისა ევროპის პოლიტიკის შემქმნელებმა

ემანუელ მაკრონის პოლიტიკა არის პირდაპირ კრახი, - ამის შესახებ „ქართული ოცნების“ ერთ-ერთმა ლიდერმა, ალუდა ღუდუშაურმა „პალიტრანიუსის“ გადაცემაში „360 გრადუსი“ ევროპარლამენტის არჩევნებზე საუბრისას განაცხადა.

ალუდა ღუდუშაურის განცხადებით, ამომრჩეველმა ემანუელ მაკრონს უარი უთხრა.

„საფრანგეთის რუკას თუ გადავხედავთ, ხმების კუთხით იქ კატასტროფული მდგომარეობაა. პარიზში პრაქტიკულად ოდნავაა ნიშანი იმისა, რომ მაკრონის ხაზი იყოს მბჟუტავი. დანარჩენ ყველა ქალაქში თუ კომუნაში კატასტროფული მდგომარეობაა. მისი პოლიტიკა არის პირდაპირ კრახი, რადგან [ამომრჩევლებმა] პირდაპირ უთხრეს უარი“, - განაცხადა ალუდა ღუდუშაურმა.

როგორც ალუდა ღუდუშაურმა გადაცემა „360 გრადუსში“ აღნიშნა, ევროპარლამენტის არჩევნებმა აჩვენა, რომ ულტრალიბერალური ხაზი, რომელიც ევროპაში დომინირებდა, მთელ რიგ ქვეყნებში იქნა ფუნდამენტურად შეცვლილი.

„ყველამ თვალი უნდა გაუსწოროს რეალობას და უპირველეს ყოვლისა ევროპის პოლიტიკის შემქმნელებმა. როგორც ჩანს, მათ გარკვეულწილად ევროპის მოსახლეობის პულსიდან ხელი აიღეს. მივიღეთ ის სურათი, რომ ულტრალიბერალური ხაზი, რომელიც დომინირებდა, მთელ რიგ ქვეყნებში იქნა ფუნდამენტურად შეცვლილი. საფრანგეთში ბატონ მაკრონს მოუწია რიგგარეშე არჩევნების დანიშვნა. რიგგარეშე არჩევნები არ არის ჩვეულებრივი და ბუნებრივი პროცესი. ეს არის პროცესი, როდესაც ლეგიტიმურობა დგას ძალიან დიდი კითხვის ნიშნის ქვეშ“, - განაცხადა ალუდა ღუდუშაურმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი