„რამშტაინის“ ფორმატში უკრაინის თავდაცვის საკონტაქტო ჯგუფის შეხვედრა 13 ივნისს გაიმართება
„რამშტაინის“ ფორმატში უკრაინის თავდაცვის საკონტაქტო ჯგუფის შეხვედრა 13 ივნისს გაიმართება, - ამის შესახებ ნატო-ს ვებგვერდზე განთავსებულ ღონისძიებათა პროგრამაშია აღნიშნული.
ბრიუსელში, ნატო-ს შტაბ-ბინაში, უკრაინის თავდაცვის საკონტაქტო ჯგუფის შეხვედრა ალიანსის წევრი ქვეყნების თავდაცვის მინისტრების შეხვედრის ფარგლებში გაიმართება.
ასევე, „რამშტაინის“ ფორმატში შეხვედრის გარდა, 13 ივნისს, თავდაცვის მინისტრების დონეზე უკრაინა-ნატოს საბჭოს სხდომაც გაიმართება.
შეგახსენებთ, უკრაინის თავდაცვის საკონტაქტო ჯგუფის წინა, 22-ე შეხვედრა ონლაინ ფორმატში გაიმართა და შეხვედრის მთავარ საკითხს უკრაინის საჰაერო თავდაცვის შესაძლებლობების გაძლიერება და საარტილერიო ჭურვების მიწოდება წარმოადგენდა.
