თეონა აქუბარდია - ვფიქრობ, ირაკლი კობახიძე ბერლინში მოისმენს იმ სავარაუდო დღის წესრიგს, რომელიც დასავლეთში ახლა „ქართული ოცნების“ წინააღმდეგ მწიფდება და აქედან გამომდინარე გააგრძელებს ქმედებებს ბიძინა ივანიშვილი

ვფიქრობ, ირაკლი კობახიძე ბერლინში მოისმენს იმ სავარაუდო დღის წესრიგს, რომელიც დასავლეთში ახლა „ქართული ოცნების“ წინააღმდეგ მწიფდება - ის ამ კონფერენციაზე ბიძინა ივანიშვილის კურიერი იქნება, - ამის შესახებ ოპოზიციონერმა დეპუტატმა, თეონა აქუბარდიამ საქართველოს პრემიერ-მინისტრის ბერლინში ვიზიტზე საუბრისას განაცხადა.

მისი თქმით, ბიძინა ივანიშვილი მიხვდა, რომ სანქციები რეალურია და მას ეს კონფერენცია დამატებით ვითარების გასარკვევად სჭირდება და არა იმისთვის, რომ ან უკრაინას დაუჭიროს მხარი, ან საქართველოს რამე შემატოს.

როგორც აქუბარდიამ აღნიშნა, ირაკლი კობახიძის არც სიტყვას და არც პოზიციას დასავლეთში ფასი არ აქვს და ეს ძალიან კარგად გამოჩნდა არა მხოლოდ სანქციების პაკეტით, არამედ, მათ შორის, საფრანგეთის და ამერიკის პრეზიდენტების ერთობლივი განცხადებით.

ირაკლი კობახიძე ბერლინში ნამდვილად არ მიდის უკრაინის აღდგენის სულისკვეთებით, მით უფრო, იმ ფონზე როდესაც მან ერთი თვის წინ, უარი განაცხადა მთავარ სტრატეგიულ პარტნიორთან - ამერიკის შეერთებულ შტატებთან სტრატეგიული პარტნიორობის ქარტიის ფარგლებში ვიზიტზე. ეს ვფიქრობ, უფრო იქნება შესაძლებლობა ივანიშვილისთვის, რომ მოისმინოს დასავლეთის პოზიციები. ეს ვიზიტი და ის, რომ ის თანახმაა ამ ვიზიტის განხორციელების, უკავშირდება ბიძინა ივანიშვილს, რომელიც აქამდე არ ელოდებოდა სანქციებს. მიხვდა, რომ ეს სანქციები უკვე ადგილზეა და ვფიქრობ, რომ ეს დამატებით, ვითარების გასარკვევად სჭირდება მას და არა იმისთვის რომ, ან უკრაინას დაუჭიროს მხარი, ან საქართველოს რამე შემატოს.

შეერთებული შტატების სანქციები რომ შეერთებული შტატების სანქციებით არ დასრულდება, ძალიან კარგად იციან. ეს რომ დომინოს პრინციპით გავრცელდება სრულიად დასავლეთში ძალიან კარგად იციან, ამიტომ ვფიქრობ, ირაკლი კობახიძე მოისმენს იმ სავარაუდო დღის წესრიგს, რომელიც დასავლეთში ახლა მწიფდება "ქართული ოცნების" წინააღმდეგ და აქედან გამომდინარე, გააგრძელებს ქმედებებს ბიძინა ივანიშვილი. ვფიქრობ, ირაკლი კობახიძე ამ კონფერენციაზე მხოლოდ კურიერი იქნება ბიძინა ივანიშვილის, რომელსაც როგორც ჩანს, დამატებითი ინფორმაცია დასჭირდა იმისთვის, რომ კარგად ჩამოყალიბდეს რა ბედი ელის მას და მის ფინანსებს," - განაცხადა აქუბარდიამ.

ცნობისთვის, საქართველოს პრემიერ-მინისტრი ირაკლი კობახიძე, მსოფლიო ლიდერებთან ერთად, მონაწილეობას მიიღებს უკრაინის აღდგენის კონფერენციაში (URC2024), რომელიც 11-12 ივნისს ბერლინში გაიმართება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024