გიორგი ამილახვარმა კონფერენცია „საქართველოს უმაღლესი განათლების ინტერნაციონალიზაცია“ გახსნა

საქართველოს განათლების, მეცნიერებისა და ახალგაზრდობის მინისტრმა გიორგი ამილახვარმა სან დიეგოს სახელმწიფო უნივერსიტეტი - საქართველოს მიერ ორგანიზებული კონფერენცია სახელწოდებით „საქართველოს უმაღლესი განათლების ინტერნაციონალიზაცია“ გახსნა.

ამის შესახებ ინფორმაციას განათლების სამინისტრო ავრცელებს.

მათივე ცნობით, მინისტრმა დამსწრე საზოგადოებას სიტყვით მიმართა და საქართველოში უმაღლესი განათლების ინტერნაციონალიზაციის მნიშვნელობაზე, ამ მიმართულებით განხორციელებულ და დაგეგმილ პროექტებზე ისაუბრა.

გიორგი ამილახვარმა განსაკუთრებული მადლობა გადაუხადა სან დიეგოს სახელმწიფო უნივერსიტეტის აკადემიურ დელეგაციას მრავალწლიანი ნაყოფიერი თანამშრომლობისთვის და არაერთი ერთობლივი საგანმანათლებლო პროექტის განხორციელებისთვის. მისი თქმით, სან დიეგოს სახელმწიფო უნივერსიტეტთან პარტნიორობა განსაკუთრებით მნიშვნელოვანია, ვინაიდან ის უდიდეს როლს ასრულებს საქართველოს უმაღლესი განათლების ინტერნაციონალიზაციის საქმეში.

სიტყვით გამოსვლისას მინისტრმა განსაკუთრებული ყურადღება გაამახვილა ხუთი მილიონი დოლარის ღირებულების ერთობლივი საგანმანათლებლო პროექტის მიმდინარეობაზე, რომელიც განათლების, მეცნიერებისა და ახალგაზრდობის სამინისტროს ინიციატივითა და მხარდაჭერით, 2023 წელს დადებული მემორანდუმის საფუძველზე, 4 წლით გაგრძელდა. პროექტის ფარგლებში SDSU Georgia-მ 90-მდე სტუდენტი მიიღო სამ ინგლისურენოვან საბაკალავრო პროგრამაზე: კომპიუტერული მეცნიერება, კომპიუტერული ინჟინერია და სამოქალაქო ინჟინერია.

აღნიშნული პროგრამები თბილისის სახელმწიფო უნივერსიტეტთან, ილიას სახელმწიფო უნივერსიტეტსა და საქართველოს ტექნიკურ უნივერსიტეტთან პარტნიორობით ხორციელდება.

კონფერენციაში მონაწილეობა მიიღეს საქართველოს განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილმა, სან დიეგოს სახელმწიფო უნივერსიტეტის პროვოსტმა და პირველმა ვიცე-პრეზიდენტმა უილიამ ტონგმა, სან დიეგოს სახელმწიფო უნივერსიტეტის ვიცე-პრეზიდენტმა კვლევისა და ინოვაციის საკითხებში ჰალა მადანატმა, სან დიეგოს სახელმწიფო უნივერსიტეტის მეცნიერებათა სკოლის დეკანმა ჯეფრი რობერტსმა, თბილისის სახელმწიფო, ილიას სახელმწიფო და საქართველოს ტექნიკური უნივერსიტეტების რექტორებმა და აკადემიური სფეროს წარმომადგენლებმა“, - ნათქვამია გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი