ვოლოდიმირ ზელენსკი - უკრაინას Patriot-ის კიდევ მინიმუმ შვიდი სისტემა სჭირდება

რუსეთის თავდასხმებისგან ძირითადი ურბანული აგლომერაციების დასაცავად საჭიროა Patriot-ის შვიდი სისტემა, - ამის შესახებ უკრაინის პრეზიდენტმა, ვოლოდიმირ ზელენსკიმ უკრაინის აღდგენის კონფერენციაზე განაცხადა, რომელიც ბერლინში მიმდინარეობს.

მისი თქმით, უკრაინელებმა დაამტკიცეს, რომ ნებისმიერი რუსული რაკეტისა და დრონის განადგურება შეუძლიათ.

„უკრაინისთვის შავი ზღვა მოვიგეთ. ჩვენ დავამტკიცეთ, რომ თანამედროვე საჰაერო თავდაცვის სისტემების წყალობით შეგვიძლია გავანადგუროთ ნებისმიერი რუსული რაკეტა და დრონი“, - განაცხადა უკრაინის პრეზიდენტმა.

ამასთან, მისი თქმით, ახლა რუსეთს უპირატესობა ცაში აქვს.

„ამჟამად, რუსეთის ყველაზე დიდი სტრატეგიული უპირატესობა უკრაინასთან არის უპირატესობა ცაში, ეს არის რაკეტისა და ბომბის ტერორი, რომელიც ეხმარება რუსულ ჯარებს წინსვლაში, ხოლო რუსულ სიძულვილს უკრაინელების სიცოცხლის განადგურებაში“, - აღნიშნა ზელენსკიმ.

მისი თქმით, მტერი უკრაინის ტერიტორიაზე ყოველდღიურად ასამდე მართვად ბომბს ყრის.

„კვირა - 80 საჰაერო დარტყმა, ორშაბათი - 95 მართვადი ბომბი. ეს არის გიჟური დესტრუქციული ზეწოლა. პლუს რაკეტები. პლუს თავდასხმის დრონები“, - დასძინა უკრაინის პრეზიდენტმა.

ზელენსკიმ ხაზგასმით აღნიშნა, რომ რუსულ ტერორზე პასუხი უნდა იყოს საჰაერო თავდაცვის სისტემები, რომლებიც უკრაინას პარტნიორებმა უნდა გადასცენ.

„ჩვენ გვჭირდება Patriot-ის მინიმუმ კიდევ 7 სისტემა, რათა უახლოეს მომავალში დაიხუროს ჩვენი მთავარი ურბანული აგლომერაციები და ეს იქნება მამოძრავებელი ძალა უკრაინაში ნორმალური ცხოვრების შესანარჩუნებლად“, - აღნიშნა ზელენსკიმ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი