დიმიტრი ხუნდაძე - დასავლური კანონი რომ საქართველოში რუსულია, ამან საზოგადოებაში ფეხი ვერ მოიკიდა და ყველაფერს სწრაფად მოეფინა ნათელი

„უცხოური გავლენის გამჭვირვალობის შესახებ" კანონი თავის ფაქტობრივ შედეგს ძალიან მალე დადებს და საქართველოს მოსახლეობას, სულ ცოტა ხანში ეცოდინება ის, რასაც მას აქამდე უმალავდნენ, რითაც ქვეყნის მორჩილებას ცდილობდნენ და დღემდე, უარგუმენტოდ „რუსული კანონის" ძახილით ქვეყანას არყევენ და ცდილობენ შეაფერხონ გამჭვირვალობის პროცესი", - ამის შესახებ საპარლამენტო პოლიტიკური ჯგუფის „ხალხის ძალის" წევრმა დიმიტრი ხუნდაძემ პარლამენტის პლენარულ სხდომაზე განაცხადა.

მისი თქმით, მიუხედავად აშშ-ს სახელმწიფო დეპარტამენტიდან ძლიერი ბიძგისა, რომ საზოგადოებას წაუკითხავად გაეპროტესტებინა საკუთარი სიკეთე - ოპოზიციამ, თავის არასამთავრობო ორგანიზაციებთან ერთად, დაკვეთა ვერ შეასრულა და მისმა ურეიტინგოსამ და ტყუილმა ქუჩაში დესტრუქციული მუხტი სწრაფად ჩაახშო.

„დასავლური კანონი, რომ საქართველოში რუსულია, ამან საზოგადოებაში ფეხი ვერ მოიკიდა და ყველაფერს სწრაფად მოეფინა ნათელი. პროცესის გაჯანსაღებას ხელი თავად დასავლეთში გამჭვირვალობის კანონის მოთხოვნის ზრდამ შეუწყო და ზოგიერთმა ქვეყანამ ჩვენს შემდეგ დაწყებული საკანონმდებლო პროცესი ჩვენზე ადრე დაასრულა. ზოგი ინიციირების პროცესშია, ზოგიც მის საჭიროებაზე ინტენსიურად ალაპარაკდა. საქართველოს პარლამენტმა, მიუხედავად გაუგონარი ზეწოლისა, ქართული კანონი მყარი უმრავლესობით დაამტკიცა, ვეტოც დაძლია და გამჭვირვალობა შეუქცევად პროცესად აქცია", - განაცხადა დიმიტრი ხუნდაძემ.

მისი თქმით, „დესტრუქციულმა ოპოზიციამ და მისმა პატრონებმა ხსნად თბილისის ცენტრში მაიდნის მოწყობა განიზრახეს და ამისათვის გარდა გზავნილისა, თავად დასავლელი პოლიტიკოსები მოავლინეს და ანტისახელმწიფოებრივ მიტინგზე ანტისახელმწიფოებრივი მოწოდებებით წარუდგინეს პოლიტიკურ უმცირესობას“.

„სანახაობრივი სცენები და პერფორმანსები ძალადობის გაკეთილშობილების მიზნით, უმცირესობის ერის ხმად გასაღება, პოლიტიკოსების დევნა და მათ შვილებზე ნადირობა, ეკლესიასა და რწმენაზე თავდასხმა, ყველაფრის რუსულად მონათვლა და საპირისპირო აზრის მკვეთრად მიუღებლობა, ლგბტ პროპაგანდა და ფუნდამენტური ფასეულობების შეურაცხყოფა - ეს არის ბრძოლის ის ინსტრუმენტები რა დავალებითაც მოქმედებს დღეს საქართველოში აგენტურა", - განაცხადა დიმიტრი ხუნდაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024