შალვა პაპუაშვილი - ევროკავშირის ბიუჯეტიდან დაფინანსებული ორგანიზაციების თანამშრომლები ღიად არიან დაკავებული ტერორით, ადამიანს როცა ემუქრები ტყვიით და საჯაროდ უვარდები, ესაა ზუსტად ტერორი

როდესაც პოლიტიკური თანამდებობის პირების წინააღმდეგ მიდის ღია ტერორის კამპანია, რა თქმა უნდა, მნიშვნელოვანია ამაზე რეაგირება. მე კვლავ ვაკვირდები გააგრძელებენ თუ არა ორგანიზაციები და ქვეყნები თანამშრომლობას იმ ადგილობრივ ორგანიზაციებთან, რომლებიც რადიკალური დღის წესრიგით და პოლიტიკური ექსტრემიზმით არიან დაკავებული. ვინმეს თუ უნდა, რომ ამით ხელი რამეს დააფაროს, ეს მათი პრობლემაა, - ამ სიტყვებით გამოეხმაურა პლენარულ სხდომაზე პარლამენტის თავმჯდომარე შალვა პაპუაშვილი ოპოზიციონერი დეპუტატის, იაგო ხვიჩიას განცხადებას.

როგორც შალვა პაპუაშვილმა აღნიშნა, სხდომაზე უმრავლესობის მიმართ ოპოზიციონერი დეპუტატების მხრიდან გაკეთდა ცილისმწამებლური განცხადებები.

„როცა თქვენ საუბრობთ სხვადასხვა ფაქტებზე და ამბობთ, რომ თითქოს რაღაც ორგანიზებულია უმრავლესობის თუ ხელისუფლების მხრიდან, ეს არის ცილისწამება, რადგან თქვენ ამის საფუძველი არ გაქვთ და პირიქით, ადგილი აქვს ზიზღის, ძალადობის და ტერორის კამპანიას უმრავლესობის წევრების წინააღმდეგ. აქ ხომ ხილულად ვიცით რაც ხდება. ორგანიზაციები, რომლებიც ევროკავშირის ბიუჯეტიდან ფინანსდებიან, ამ ორგანიზაციის თანამშრომლები ღიად დაკავებული არიან ტერორით. როცა ადამიანს ემუქრები ტყვიით, ურეკავ, შეურაცხყოფას აყენებ და საჯაროდ მიუვარდები - ეს არის ზუსტად ტერორი და თქვენ ამაზე რეაგირება არ გაქვთ, რაც გასაგებია. ხოლო ის რაც იკადრა ქალბატონმა თეონა აქუბარდიამ, ეს რა თქმა უნდა მიუღებელია, მაგრამ იმ პოლიტიკური მორალის ადამიანების მხრიდან, რომლებიც რადიკალურ ოპოზიციაში არიან, ეს გასაკვირი არ არის“, - განაცხადა პარლამენტის თავმჯდომარემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?