ვიქტორ სოლისი - „ჯივიპიში“ ინფრასტრუქტურული ობიექტების რეაბილიტაცია, მათი ევროპული სტანდარტების შესაბამისად მოწყობა და ტექნოლოგიური მოდერნიზაცია აქტიურად მიმდინარეობს

„ჯივიპიში“ აქტიურად მიმდინარეობს ინფრასტრუქტურული ობიექტების რეაბილიტაცია, მათი ევროპული სტანდარტების შესაბამისად მოწყობა და ტექნოლოგიური მოდერნიზაცია, - ამის შესახებ წყლის წარმოების და ენერგეტიკის დირექტორმა, ვიქტორ სოლისმა განაცხადა.

„ჯივიპის” ცნობით, მათმა ორგანიზაციამ ევროპული სტანდარტების დანერგვის მორიგი ეტაპის - წყალმომარაგების სისტემის მოდერნიზაციის პროექტის შედეგები წარადგინა. მედიასთან და სემეკის წარმომადგენლებთან გამართულ შეხვედრაზე „ჯორჯიან უოთერ ენდ ფაუერის“ მენეჯმენტმა წყლის მოპოვებისა და დამუშავების ძირითადი ობიექტების, წყალმომარაგების ქსელების, მომხმარებლებთან კომუნიკაციისა და კომპანიის სერვისების შესახებ ისაუბრა.

„ჯივიპი“ მოსახლეობას მუდმივად უზრუნველყოფს მაღალი ხარისხის სასმელი წყლით, ლაბორატორიებში 24 საათიან უწყვეტ რეჟიმში მიმდინარეობს წყლის ხარისხის მართვა და მონიტორინგი. "ჯივიპი" აღჭურვილია მიკრობილიოლოგიური და ქიმიური ტესტირებებისთვის აუცილებელი თანამედროვე ხელსაწყოებით. ამასთან, წყალმომარაგების სისტემის მოდერნიზაციის პროექტის ფარგლებში ქსელში წყლის ხარისხის უწყვეტი კონტროლისთვის დამატებით ინერგება ევროპული სტანდარტის შესაბამისი თანამედროვე მოწყობილობები.

„ჯივიპიში“ აქტიურად მიმდინარეობს ინფრასტრუქტურული ობიექტების რეაბილიტაცია, მათი ევროპული სტანდარტების შესაბამისად მოწყობა და ტექნოლოგიური მოდერნიზაცია. წყალმომარაგების სისტემის გამართული ფუნქციონირებისთვის სათავე ნაგებობებზე განახლდა დანადგარები და ინფრასტრუქტურა, ხოლო სატუმბო სადგურებზე დამონტაჟდა ახალი ტუმბო-აგრეგატები. გარდა ამისა, წყალმომარაგების სისტემის გაციფრულებისა და ავტომატიზაციის პროექტის ფარგლებში ინერგება წყალმომარაგების ქსელიდან მონაცემების უწყვეტ რეჟიმში მიღების სისტემა.

კიდევ ერთ მასშტაბურ პროექტს "ჯივიპი" ქვეყნისთვის სტრატეგიული მნიშვნელობის ობიექტზე - ჟინვალის ჰიდროკომპლექსში ახორციელებს. ჟინვალის ჰიდროკომპლექსის უსაფრთხოების უზრუნველყოფისა და სტაბილური ოპერირებისთვის 7.2 მილიონი ლარის ინვესტიცია განხორციელდება. ჰიდროკომპლექსის განახლების ფარგლებში საქართველოში პირველი საგენერატორო ვაკუუმური ამომრთველები დამონტაჟდა და რეაბილიტირდა წყალგამყვანი გვირაბი”- განაცხადა წყლის წარმოების და ენერგეტიკის დირექტორმა, ვიქტორ სოლისმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?