სტანდარტებისა და მეტროლოგიის ეროვნული სააგენტოს  სტანდარტების დეპარტამენტის ხარისხის მენეჯმენტის სისტემამ  ევროპულ სტანდარტთან შესაბამისობის „ენ ისო  9001:2015“ სერტიფიკატი მოიპოვა

საქართველოს სტანდარტებისა და მეტროლოგიის ეროვნული სააგენტოს სტანდარტების დეპარტამენტმა ხარისხის მენეჯმენტის სისტემის აუდიტი წარმატებით გაიარა. ამის შესახებ ინფორმაციას ეკონომიკის სამინისტრო ავრცელებს.

მათი ცნობით, საერთაშორისო ექსპერტთა ჯგუფმა, რომლებიც საქართველოში 2024 წლის მაისში იმყოფებოდნენ, დეპარტამენტის საქმიანობა შეისწავლეს. შედეგად, დასრულდა სერტიფიცირების პროცესი ევროპული სტანდარტის ენ ისო 9001:2015 „ხარისხის მენეჯმენტის სისტემები - მოთხოვნები" შესაბამისად და 2024 წლის 5 ივნისს სტანდარტების დეპარტამენტმა შესაბამისობის სერტიფიკატი მიიღო.

„აღნიშნული შეფასება წინ გადადგმული ნაბიჯია საქართველოს სტანდარტიზაციისა და მეტროლოგიის ეროვნული სააგენტოს ევროპულ ორგანიზაციებში (CEN-CENELEC) სრული წევრობის კუთხით. ასევე მნიშვნელოვანია აღინიშნოს ჰარმონიზაციის მიმართულებით მიღწეული პროგრესი - კერძოდ, ევროპული სტანდარტების 70%-ზე მეტი მიღებულია საქართველოს სტანდარტებად.

აღსანიშნავია, რომ სტანდარტების დეპარტამენტის ხარისხის მენეჯმენტის სფერო სრულად მოიცავს დეპარტამენტის საქმიანობას, რომელიც ეხება სტანდარტების, აგრეთვე სტანდარტიზაციის სხვა დოკუმენტების შემუშავებას, მიღებასა და შესაბამისი მომსახურებების მიწოდებას ბიზნეს სექტორისა და სხვა დაინტერესებული პირებისათვის.

სტანდარტების დეპარტამენტის აუდიტი ევროკავშირის დაძმობილების (TWINNING) პროექტის "საქართველოს სტანდარტებისა და მეტროლოგიის ეროვნული სააგენტოს (GEOSTM) გაძლიერება საერთაშორისო/ევროკავშირის საუკეთესო პრაქტიკის შესაბამისად" მხარდაჭერით ჩატარდა.

სტანდარტებისა და მეტროლოგიის ეროვნული სააგენტო 2023 წლის იანვრიდან სტანდარტიზაციის ევროპულ ორგანიზაციებში აფილირებული წევრის სტატუსითაა წარმოდგენილი“,- ნათქვამია ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?