პეტრე ცისკარიშვილი - დღევანდელი ხელისუფლების ურთიერთობა ჩვენს სტრატეგიულ პარტნიორებთან, დამაზიანებელია არამხოლოდ მათთვის, არამედ მთელი ქვეყნისთვის

დღევანდელი ხელისუფლების ურთიერთობა ჩვენს სტრატეგიულ პარტნიორებთან, დამაზიანებელია არამხოლოდ მათთვის, არამედ მთელი ქვეყნისთვის, - ამის შესახებ „ერთიანი ნაციონალური მოძრაობის“ გენერალურმა მდივანმა, პეტრე ცისკარიშვილმა განაცხადა, რითაც აშშ-ის მიერ „ქართული ოცნების“ წარმომადგენლებისთვის სავიზო სანქციბის გამოცხადებას გამოეხმაურა.

მისი თქმით, გამარჯვებამდე ოთხი თვეა დარჩენილი და ქართველი ხალხს ეყოლება ისეთი ხელისუფლება, რომელიც ქვეყანას დასავლეთისკენ შემოაბრუნებს.

„დასავლეთთან და კერძოდ შეერთებულ შტატებთან ურთიერთობა არის არამხოლოდ ჩვენი ისტორიული მისწრაფება, არამედ სასიცოცხლოდ მნიშვნელოვანი გეოპოლიტიკური და სტრატეგიული ურთიერთობის განზომილება, სადაც საქართველომ უნდა მოიპოვოს კეთილდღეობა, განვითარება, პროგრესი და უსაფრთხოება. აქედან გამომდინარე, პარტნიორებთან ასეთი დამოკიდებულება, რასაც ჩვენ ვხედავთ დღევანდელი ხელისუფლების მხრიდან, არის დამაზიანებელი არამხოლოდ მათთვის პირადად, არამედ მთლიანად ქვეყნისთვის და აქედან გამომდინარე, დროზე უნდა მოეგონ გონს, რადგან შემდეგი ოთხი თვის განმავლობაში არჩევნებამდეც შეუძლიათ ჩვენი ქვეყნის ინტერესები ძალიან დააზიანონ.

მიუხედავად იმისა, თუ „ქართული ოცნება“ როგორც იქცევა, როგორ ძალადობს ფიზიკურად; ადამიანებს ხვდებიან, შენონებს ლეწავენ, მადლობა ღმერთს, რომ ოთხი-ხუთი თვეა დარჩენლი საპარლამენტო არჩევნებამდე,რაც საშუალებას მისცემს ქართველ ხალხს,რომ მიიღოს ისტორიული გადაწყვეტილება და ჰყავდეს ისეთი ხელისუფლება, როგორსაც რეალურად საქართველო, ჩვენი სახელმწიფო და ქართველი ხალხი იმსახურებს, რომელიც შემოაბრუნებს ქვეყანას ამ დამპყრობელი რუსული ჭაობიდან და ქვეყანას ერთხელ და სამუდამოდ ევროპულ ლიანდაგებზე დააყენეს“, - განაცხადა პეტრე ცისკარიშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?