პაატა კვიჟინაძე „დაგროვებითი პენსიის შესახებ“ კანონზე - ეს ცვლილებები მსოფლიო ბანკის და სხვა ფინანსური ინსტიტუტების რეკომენდაციით მოხდა, ჩვენ კიდევ უფრო გადავაზღვიეთ, რომ ერთი თეთრიც არ დაიკარგოს

ჩვენ დავაკვირდით ამ პროცესს და გამოჩნდა, რომ რაღაც საკითხებია გასასწორებელი და ხაზს ვუსვამ, მსოფლიო ბანკის და სხვა ფინანსური ინსტიტუტების რეკომენდაციით მოხდა ეს ცვლილებები, - ამის შესახებ საქართველოს პარლამენტის საფინანსო-საბიუჯეტო კომიტეტის თავმჯდომარემ, პაატა კვიჟინაძემ „დაგროვებითი პენსიის შესახებ“ კანონში ცვლილებებზე საუბრისას განაცხადა.

„ძირითადად ეკონომიკის სამინისტრო, ეროვნული ბანკი, თვითონ სააგენტო და ჩვენც ჩართული ვიყავით ამ პროცესში და გამოჩნდა, რომ რაღაც საკითხებია გასასწორებელი. ხაზს ვუსვამ, მსოფლიო ბანკის და სხვა ფინანსური ინსტიტუტების თხოვნით, რეკომენდაციით მოხდა ეს ცვლილებები. ჩვენს კომიტეტში გაიარა, რამდენიმე შენიშვნა გვქონდა მათ შორის, მომსახურების თანხასთან დაკავშირებით და ეს ყველაფერი გათვალისწინებულია. რაც შეეხება იმ ნაწილს, რომ ორი საბჭოს მაგივრად ერთი საბჭო უნდა იყოს - წინა კანონით, ანუ, ახლა რა კანონიც არის, არის ორი საბჭო. ერთი საბჭო არის საინვესტიციო, მეორე, მთავარი საბჭო რაც არის, შედგება სამი მინისტრისგან. ოთხი წევრიდან სამია მინისტრი და ზუსტად ამაზე გვირჩიეს, რომ ასეთი პრეცედენტი არ არის ევროკავშირში და გააკეთეთ ერთი საბჭო და კეთდება ერთი საბჭო. ამ საბჭოს წევრებს, როგორც კანონი ითვალისწინებდა აქამდე, აირჩევს ის კომისია, რომელიც აქამდეც ირჩევდა საბჭოს წევრებს, აქ ცვლილება არ არის. ეს არის მთელი იდეა. ჩვენ ვხედავდით, რომ ორი საბჭოს ფუნქციები ერთმანეთში ირეოდა, ეს არის ყველაფერი, რაზეც არის საუბარი. არაფერი მოხდება, ჩვენ კიდევ უფრო გადავაზღვიეთ, რომ ერთი თეთრიც არ დაიკარგოს“ ,- განაცხადა პაატა კვიჟინაძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?