პრეზიდენტი ახალგაზრდებს - საშუალება გვაქვს სწორედ ამ არჩევნების გზით, მომავალი წლის ივნისში გაწევრიანების მოლაპარაკებები გაგვიხსნან, გზა გავაგრძელოთ, რომელიც დროებით გაგვიჩერეს - მე მაქვს თქვენი იმედი და თქვენ გქონდეთ ჩემი იმედი

საშუალება გვაქვს სწორედ ამ არჩევნების გზით, ჩვენს ადგილს დავუბრუნდეთ და 2025 წლის ივნისში გაგვიხსნან გაწევრიანების მოლაპარაკებები, ის გზა გავაგრძელოთ, რომელიც დროებით გაგვიჩერეს, - ამის შესახებ პრეზიდენტმა სალომე ზურაბიშვილმა ახალგაზრდებთან შეხვედრაზე სიტყვით გამოსვლისას განაცხადა.

პრეზიდენტ ზურაბიშვილმა ახალგაზრდებს მიმართა, რომ მას აქვს ახალგაზრდების იმედი და მათაც უნდა ჰქონდეთ პრეზიდენტის იმედი.

“რამდენიმე დღეში უკრაინას და მოლდოვას ეტყვიან: თქვენ უკვე გიხსნით გაწევრიანებაზე მოლაპარაკებებს. ამ ადგილას საქართველოც უნდა ყოფილიყო, ყველა მოცემულობით ჩვენ იქ უნდა ვიყო და არა ვართ, მაგრამ საშუალება გვაქვს, სწორედ ამ არჩევნების გზით, რომ ჩვენს ადგილს დავუბრუნდეთ, მომავალ წელს, იგივე ევროპულ საბჭოზე, 2025 წლის ივნისში ჩვენ გაგვიხსნან გაწევრიანების მოლაპარაკებები, დავეწიოთ ჩვენ მეგობარ უკრაინას და მოლდოვას და ის გზა გავაგრძელოთ, რომელიც დროებით გაგვიჩერეს, მაგრამ მხოლოდ დროებით და ეს არის თქვენი გამარჯვება.

ეს საქმე, რაც გასაკეთებელია, ეს არჩევნები რომ მოსამზადებელია, ეს ერთად არის გასაკეთებელი. რადგან განსხვავება ჩვენს შორის არაფერია, თუ არა ნახევარი საუკუნე - განსხვავება არ არის ქვეყნის სიყვარულში, განსხვავება არ არის, როცა ლაპარაკია სამშობლოს გადარჩენაზე, ასევე, განსხვავება არ არის, როცა ლაპარაკია, სამშობლოს მშენებლობაზე, ამ ყველაფერში ერთად ვართ. შეიძლება მე ფიზიკურად არ ვიდგე იქ, სადაც თქვენ დგახართ და ღმერთმა ქნას, რომ არ დამჭირდეს, მე იქ გამოსვლა, მაგრამ ხომ იცით, რომ საქმეში ერთად ვართ. არჩევნების მომზადებაში ერთად ვართ, ჩვენი დიასპორის მობილიზაციაში ერთად ვართ, ხმების დაცვაში ერთად ვართ და ამ ყველაფრის ორგანიზაციაში ერთად ვიქნებით. მე მაქვს თქვენი იმედი და თქვენ გქონდეთ ჩემი იმედი”, - განაცხადა ზურაბიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024