პრეზიდენტი - კონკრეტული ნაბიჯები არსებობს, როგორ უნდა მოხდეს გადაფასება, გადამოწმება ადამიანების, რომლებიც სასამართლოს სისტემას აზიან - ნებისმიერი ახალი მოსამართლე, რომელიც სისტემაში შემოვა, უნდა იყოს გადამოწმებული

ის უსამართლობა, კლანური სისტემა, რაც დღეს სასამართლო სისტემაში არსებობს, არის სრულიად მიუღებელი, - ამის შესახებ საქართველოს პრეზიდენტმა, სალომე ზურაბიშვილმა ახალგაზრდებთან შეხვედრისას განაცხადა.

პრეზიდენტის განმარტებით, უნდა მოხდეს ყველა იმ მოსამართლის გადამოწმება, „რომლებიც დღეს აზიან სასამართლო სისტემას“.

„მთავარი პუნქტი „ქართული ქარტიის“ არის სასამართლო სისტემის რეფორმა. არა მხოლოდ იმიტომ, რომ ევროპა 9 ნაბიჯში, 12 ნაბიჯში მუდმივად ამას გვეუბნება, რომ რეფორმა აუცილებელია, თუ თქვენ აპირებთ, რომ შემოუერთდეთ ევროკავშირს, არამედ იმიტომ, რომ ქართველ ხალხში სასამართლო სისტემა, სამართლიანობის გრძნობა არის ძალიან მნიშვნელოვანი და ყოველთვის ასე იყო. ჩვენ გვაქვს ჩვენი ძალიან ძველი სამართალი. ის უსამართლობა, კლანური სისტემა, რაც დღეს არსებობს, არის სრულიად მიუღებელი, რომც არავინ გვეუბნებოდეს გარედან, რომ "ეს გაქვთ გასაკეთებელი იმისათვის, რომ შემოხვიდეთ და დავიწყოთ თქვენთან მოლაპარაკებები". სასამართლო სისტემის რეფორმის ძალიან კონკრეტული ნაბიჯები არსებობს, თუ როგორ უნდა მოხდეს გადაფასება, გადამოწმება იმ ადმიანების, რომლებიც დღეს აზიან სასამართლოს სისტემას თავისი ყველა მნიშვნელობით. ნებისმიერი ახალი მოსამართლე, რომელიც შემოვა სისტემაში, უნდა იყოს გადამოწმებული“, - განაცხადა სალომე ზურაბიშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი