პრეზიდენტი - მიხარია, რომ დღეს ჩვენი პრემიერი აღარ საუბრობს დასავლეთზე, როგორც „ომის პარტიაზე“, უკრაინას სოლიდარობა გამოუცხადა, შეიძლება ფერისცვალება მოხდა - თუ ეს ასეა, ვულოცავ, შემოგვიერთდეს და ხელი მოაწეროს „ქართულ ქარტიას“

ძალიან მიხარია, რომ დღეს ჩვენი პრემიერი, რომელიც ბერლინში იმყოფება, როგორც ჩანს, აღარ საუბრობს დასავლეთზე როგორც ომის პარტიაზე, უკრაინას სოლიდარობა გამოუცხადა, შეიძლება ფერისცვალება მოხდა, არ ვიცი, - ამის შესახებ საქართველოს პრეზიდენტმა, სალომე ზურაბიშვილმა ახალგაზრდებთან შეხვედრისას განაცხადა.

ახალგაზრდების დასმულ კითხვაზე, როგორ აპირებს არჩევნების შემდეგ, როგორც პრეზიდენტმა დაიცვას ქვეყანა რუსეთის პროვოკაციებისგან, ზურაბიშვილი პასუხობს, რომ რუსეთს შეაჩერებს ერთობა და საქართველოს პარტნიორები.

„ვერავინ იტყვის ხვალ პუტინი რას გააკეთებს და რას არ გააკეთებს. ერთადერთი ომის პარტია, რაც ჩვენ ვიცით, ეს არის რუსეთი. ძალიან მიხარია, რომ დღეს ჩვენი პრემიერი, რომელიც ბერლინში იმყოფება, როგორც ჩანს, აღარ საუბრობს დასავლეთზე როგორც ომის პარტიაზე, უკრაინას სოლიდარობა გამოუცხადა, შეიძლება ფერისცვალება მოხდა, არ ვიცი. თუ ეს ასე არის, მე ვულოცავ მას და გავიმეორებ იმას, რომ "ქართული ქარტია" ღია არის ყველასთვის, ვინც არის პროევროპული. თუ მოხდა ფერისცვალება, შემოგვიერთდეს და ხელი მოაწეროს.

რა შეაჩერებს რუსეთს და რა არის ჩვენი მთავარი ძალა? ორი რამ არის: ერთი, არის ჩვენი ერთობა. ყველა ვინც ცდილობს დაპირისპირება და სიძულვილი გაზარდოს ეს აძლიერებს მტერს. ტყუილად არ გვიწერია ჩვენ, რომ „ძალა ერთობაშია“. ერთობა რჩება ჩვენ მთავარ ძალად. მეორე ძალა არის ჩვენი პარტნიორი და მათი ჩვენ მიმართ ერთგულება, ჩვენი ერთგულება მათ მიმართ ზოგჯერ კოჭლობს.

ჩვენ არ გვაქვს, არც უფლება და არც საშუალება რომ გადავიდეთ იზოლაციაში. ნეიტრალურობაზე მითები, და რომ არ დავემონებით, არც რუსებს, ევროპას და ამერიკას ლამაზი სათქმელია, მაგრამ ჩვენ გვყავს ერთი მხრივ, მეგობრები და მეორე მხრივ, მტრები და ამას თუ ვერ გავარჩევთ, რაღაც გვაკლია აზროვნებაში და ლოგიკაში“,- განაცხადა ზურაბიშვილმა.

ამასთან, პრეზიდენტი გამოეხმაურა სტუდენტის რეპლიკას, რომელმაც მადლობა გადაუხადა ზურაბიშვილს იმისთვის, რომ ქართველი ხალხის მხარეს გადავიდა, რაზეც პრეზიდენტმა ასე უპასუხა: „ვიღაცამ მითხრა, კარგია რომ გადახვედით ქართველი ხალხის მხარესო. მე მგონი დიდი ხანია გადმოსული ვარ, დაბადებიდან“,- უპასუხა ზურაბიშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი