შალვა პაპუაშვილი - უამრავ მამულიშვილურ საქმეთა შორის, რომელიც ბიძინა ივანიშვილის ქველმოქმედებათა ნუსხაშია, იოანე-ზოსიმეს ხელნაწერის სამშობლოში გადმობრძანება ერთ-ერთი ფასდაუდებელი აქტია

უამრავ ჭეშმარიტად მამულიშვილურ საქმეთა შორის, რომელიც ბიძინა ივანიშვილის ქველმოქმედებათა ნუსხაშია, იოანე-ზოსიმეს ხელნაწერის სამშობლოში გადმობრძანება ერთ-ერთი ფასდაუდებელი აქტია, - ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

როგორც პაპუაშვილი აღნიშნავს, იოანე-ზოსიმეს ხელნაწერის საქართველოსთვის გადმოცემა უდიდესი მოვლენაა ქართული სულიერებისა და კულტურის ისტორიაში.

„ქართული სულიერების უდიდესი მოღვაწის, ბერი იოანე-ზოსიმეს ხელნაწერი სულ მალე საქართველოს საგანძურში დაიდებს ბინას.

პალიმფსესტში, სადაც თავდაპირველი ტექსტი დასავლურ არამეული დიალექტია, იმავე ფურცლებზე ხუცური ანბანით მე-10 საუკუნის ქართული ტექსტია დატანილი. ბერი იოანეს ხელნაწერები მსოფლიოს სხვადასხვა კუთხეშია გაბნეული და დღემდე არცერთი მათგანი არ მოიპოვებოდა ჩვენს წიგნთსაცავებში. მათ შორისაა „ქებაი და დიდებაი ქართულისა ენისაი“, რომლის ოთხი ხელნაწერიდან, სამწუხაროდ, ასევე არცერთი არაა საქართველოში დავანებული.

იოანე-ზოსიმეს ხელნაწერის საქართველოსთვის გადმოცემა მართლაც უდიდესი მოვლენაა ქართული სულიერებისა და კულტურის ისტორიაში. უამრავ ქართულ, ჭეშმარიტად მამულიშვილურ საქმეთა შორის, რომელიც ბიძინა ივანიშვილის ქველმოქმედებათა ნუსხაშია, იოანე-ზოსიმეს ხელნაწერის სამშობლოში გადმობრძანება ერთ-ერთი მართლაც ფასდაუდებელი აქტია, უძვირფასესი საჩუქარია ჩვენი ქვეყნისა და მისი მომავლისთვის.

საქართველო, როგორც უძველესი ქრისტიანული ცივილიზაცია, ამაყია თავისი სასულიერო მწიგნობრობით; ქრისტიანულ კერებში საუკუნეების მანძილზე მოღვაწეობდნენ ქართველი გადამწერნი, მეცნიერნი თუ ფილოსოფოსნი, და ამით უდიდესი წვლილი შეჰქონდათ მსოფლიო ქრისტიანობის საგანძურში. იოანე-ზოსიმე ერთ-ერთი უბრწყინვალესია მათ შორის. ყველას გილოცავთ ჩვენი ქვეყნისთვის უაღრესად საამაყო და ღირსეულ მონაპოვარს“, - წერს პაპუაშვილი.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი