ვიქტორ ჯაფარიძე - აეროპორტში პოლიციის თანამშრომლები ჩემი „მიწვევის“ გარეშეც ასრულებენ მოვალეობას, რასაც თავად ინციდენტში მონაწილე გოგონა დაადასტურებს, პოლიციელს „კანვასის“ ტრენინგებზე დასწავლილი მეთოდებით რომ ესაუბრებოდა

„ხალხის ძალის“ რეგიონული მდივანი, ვიქტორ ჯაფარიძე, თბილისის აეროპორტში მომხდარ ინციდენტს ეხმიანება. ჯაფარიძის განცხადებით, „რადიკალებისგან მსგავს გამოხტომებს სერიოზულად აღარ აღიქვამს“. რაც შეეხება იმას, რომ მან „პოლიციაში დარეკა” ან „ახალგაზრდა გოგო დააჭერინა“, დეპუტატის თქმით, მსგავს ინფორმაციას სამარცხვინოები ავრცელებენ, ვინაიდან, პოლიცია ჯაფარიძის გარეშე ასრულებდა პროფესიულ მოვალეობას.

„მსურს გამოვეხმაურო თბილისის საერთაშორისო აეროპორტში მომხდარ ინციდენტს, რომლის შემდეგაც ჩემს წინააღმდეგ რადიკალურმა ოპოზიციამ, საკუთარი მედიასაშუალებების გამოყენებით, ცილისმწამებლური, ბინძური, სამარცხვინო კამპანია წამოიწყო.

რეალურად, საქმე მარტივადაა: ერთ-ერთი არასამთავრობო ორგანიზაციის წარმომადგენელმა, როგორც ამ ხალხს სჩვევია, აეროპორტში სკანდალის მოწყობა სცადა და „გამჭვირვალობის კანონის” მხარდაჭერის გამო, შეურაცხყოფა მომაყენა.

რა თქმა უნდა, ამგვარ გამოხტომებს, მითუმეტეს რადიკალებისგან, სერიოზულად აღარ აღვიქვამ, ამიტომაც, ემოციური ფონის მიუხედავად, მალევე გავშორდი ამ სამარცხვინო სიტუაციას.

რაც შეეხება ინფორმაციებს - „ვიქტორ ჯაფარიძემ პოლიციაში დარეკა”, “ვიქტორ ჯაფარიძემ ახალგაზრდა გოგო დააჭერინა” - ვინც ამას ამტკიცებთ, სამარცხვინოები ხართ!

თქვენ წარმოიდგინეთ, აეროპორტში პოლიციის თანამშრომლები ვიქტორ ჯაფარიძის „მიწვევის“ გარეშეც ასრულებენ პროფესიულ მოვალეობას!

ჩემი თუ არ გჯერათ, ამას თავად ინციდენტში მონაწილე გოგონა დაადასტურებს, პოლიციელს „კანვასის“ ტრენინგებზე დასწავლილი მეთოდებით რომ ესაუბრებოდა და სპეკულაციურად მადლობას უხდიდა, აქაოდა, ვიქტორ ჯაფარიძისგან „მიცავო“, - აღნიშნულია ვიქტორ ჯაფარიძის განცხადებაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის