ვახტანგ ძაბირაძე - სალომე ზურაბიშვილი წინასწარ ცდილობს საზოგადოებრივი აზრის მობილიზებას იმ შემთხვევაში, თუ არჩევნების შემდეგ ოპოზიციას ექნება უმრავლესობა, რათა მისი კანდიდატურა პრეზიდენტის პოსტზე მეორე ვადით წარადგინონ

ვფიქრობ, რომ სალომე ზურაბიშვილი წინასწარ ცდილობს საზოგადოებრივი აზრის მობილიზებას იმ შემთხვევაში, თუ [არჩევნების შემდეგ] ოპოზიციას ექნება უმრავლესობა, რათა მისი კანდიდატურა პრეზიდენტის პოსტზე მეორე ვადით წარადგინონ, - ასე გამოეხმაურა პოლიტოლოგი ვახტანგ ძაბირაძე პრეზიდენტ სალომე ზურაბიშვილის ახალგაზრდებთან შეხვედრისას გაკეთებული განცხადებას, სადაც ის ამბობს, რომ ძალიან ბედნიერი და ამაყი იქნება, თუ საპრეზიდენტო არჩევნებზე მის კანდიდატურას ახალგაზრდების მხარდაჭერა ექნება.

როგორც ძაბირაძემ „ინტერპრესნიუსს“ განუცხადა, დღევანდელი პროცესისთვის უფრო მნიშვნელოვანია სალომე ზურაბიშვილი დარჩეს პრეზიდენტის პოსტზე, ვიდრე გადადგეს და არჩევნებში მიიღოს მონაწილეობა.

სალომე ზურაბიშვილმა თქვა, რომ მოხარული იქნება თუ ახალგაზრდების რჩეული პრეზიდენტი იქნება. ამ განცხადებაში საუბარი იმაზე, რომ ის დატოვებს პრეზიდენტის პოსტს და მიიღებს არჩევნებში მონაწილეობას, მგონი ამას არ გულისხმობდა. უბრალოდ არის ასეთი ვარიანტი - არჩევნების შემდეგ, ქარტიაზე ხელმომწერმა პარტიებმა ფაქტობრივად აღიარეს, რომ არჩევნების შემდეგ თუ ისინი უმრავლესობაში მოვლენ, პრეზიდენტობის მათი კანდიდატი იქნება ისევ ზურაბიშვილი, მეორე ვადით. ახლა ხომ პირდაპირი არჩევნები არ ტარდება. რაც შეეხება ამ განცხადებას, ვფიქრობ, რომ სალომე ზურაბიშვილი წინასწარ ცდილობს საზოგადოებრივი აზრის მობილიზებას. ვფიქრობ ამას გულისხმობდა და არა რაიმე სხვას, მითუმეტეს, პოლიტიკური პარტიის შექმნას და არჩევნებში მონაწილეობას. მგონია, რომ ზურაბიშვილის დღევანდელი პოზიცია და პროცესი, რომელიც ახლა ვითარდება, ამისთვის უფრო მნიშვნელოვანი იქნება ზურაბიშვილი დარჩეს პრეზიდენტის პოსტზე, ვიდრე გადადგეს და არჩევნებში მიიღოს მონაწილეობა. თუ ამას აპირებდა, ადრე უნდა გაკეთებინა, ახლა უკვე ეს პროცესი საკმაოდ გვიანია. არ მგონია, რომ სწორი იყოს ასეთი გადაწყვეტილების მიღება. საზოგადოებრივი აზრის მობილიზებას და ფორმირებას ცდილობს იმ შემთხვევაში, თუ ოპოზიციას ექნება უმრავლესობა, რომ მისი კანდიდატურა იყოს წარდგენილი პრეზიდენტის პოსტზე მეორე ვადით“, - განაცხადა ვახტანგ ძაბირაძემ.

ცნობისთვის, სალომე ზურაბიშვილის განცხადებით, ძალიან ბედნიერი და ამაყი იქნება, თუ საპრეზიდენტო არჩევნებზე მის კანდიდატურას ახალგაზრდების მხარდაჭერა ექნება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის