თბილისის საკრებულოს დელეგაციამ სტამბულში სამედიცინო მიმართულებით შეხვედრები გამართა

თბილისის საკრებულოს თავმჯდომარე, გიორგი ტყემალაძე პირველ მოადგილესთან, გიორგი ახვლედიანთან, საკრებულოს ჯანმრთელობის დაცვის და სოციალურ საკითხთა კომისიის თავმჯდომარესთან, ზურაბ ჩიკვილაძესთან და საკრებულოს წევრ, გივი ჩხარტიშვილთან ერთად დედაქალაქის საკრებულოსა და „მედიკანა ჯანდაცვის ჯგუფს“ შორის გაფორმებული მემორანდუმის ფარგლებში სტამბულს ეწვია.

თბილისის საკრებულოს პრესსამსახურის ინფორმაციით, ორდღიანი ვიზიტი სტამბულში თურქული მხარის ინიციატივით გაიმართა.

„საკრებულოს დელეგაციამ შემდგომი ურთიერთთანამშრომლობისა და მნიშვნელოვანი საკითხების განხილვის მიზნით საქმიანი მოლაპარაკებები და შეხვედრები გაიმართა „მედიკანა ჯანდაცვის ჯგუფის“ დამფუძნებელსა და საბჭოს წევრთან, ბერქ ბოზკურტთან, საერთაშორისო დეპარტამენტის დირექტორ ბურაქ ქოსესთან, აგრეთვე საქართველოს წარმომადგენლობის ხელმძღვანელ მეჰმეტ ფათიჰ თურანთან.

ვიზიტის ფარგლებში საკრებულოს დელეგაცია „მედიკანა ათაქოის“ გენერალურ დირექტორს, ერდალ იბანოღლუსაც, შეხვდა და კლინიკები „ზინჯირლი ქუიო“ და „მედიკანა ათაქოისი“ მოინახულა.

საკრებულოს დელეგაცია ფენერბახჩეს უნივერსიტეტსაც ეწვია, სადაც ფენერბახჩეს უნივერსიტეტის ხელმძღვანელობას შეხვდა და ათაშეჰირის MBA კოლეჯში შეხვედრა გამართა“, - აღნიშნულია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო