სალომე სამადაშვილი - სუს-ის რეფორმირება იქნება ჩვენი ერთ-ერთი პრიორიტეტი - უწყება, რომელიც უნდა ემსახურებოდეს ქართველი ხალხის ინტერესებს, დღეს ემსახურება პოლიტიკურ რეჟიმს და რუსეთის დავალებას ასრულებს

ფაქტობრივად, სუს-ი დღეს საუკეთესო საბჭოთა ტრადიციებში მოქალაქეებზე კონტროლზე დასამყარებლად გამოიყენება - პირველი რაც უნდა გაკეთდეს, ეს არის ლუსტრაციის კანონის მიღება, - ამის შესახებ "ლელოს" დეპუტატმა, სალომე სამადაშვილმა ბრიფინგზე განაცხადა.

მისი თქმით, სახელმწიფო უსაფრთხოების სამსახური დღეს ძირითადად, პოლიტიკური დევნის უწყებაა და ხელისუფლების ცვლილების შემდეგ, "ლელოს" ერთ-ერთი პრიორიტეტი სწორედ აღნიშნული უწყების რეფორმირება იქნება.

„სუს-ის რეფორმირება იქნება ჩვენი ერთ-ერთი პრიორიტეტი, იმიტომ, რომ ეს უწყება, რომელიც უნდა ემსახურებოდეს ქართველი ხალხის ინტერესებს, დღეს ემსახურება პოლიტიკურ რეჟიმს და რუსეთის დავალებას ასრულებს. ამიტომ ჩვენ არ გვაქვს განცდა, რომ რაიმე აზრი აქვს მის დღევანდელ ხელმძღვანელთან შეკითხვების დასმას ან დიალოგს, მაგრამ გვსურს, რომ ვისაუბროთ რეფორმაზე, რომელსაც განვახორციელებთ ხელისუფლების შეცვლის შემდეგ.

ფაქტობრივად, სუს-ი დღეს გამოიყენება საუკეთესო საბჭოთა ტრადიციებში მოქალაქეებზე კონტროლზე დასამყარებლად, თუმცა ის ვერ ახორციელებს იმ ფუნქციებს, რაც უკავშირდება ჩვენი სახელმწიფოსთვის საფრთხეების განეიტრალებას. პირველი რაც უნდა გაკეთდეს ეს არის ლუსტრაციის კანონის მიღება. ლუსტრაციის შედეგად ის ადამიანები, რომლებიც დადგენილი არიან, რომ ემსახურებიან რუსეთის ინტერესებს ჩვენს ქვეყანაში, მათ აღარ ექნებათ შესაძლებლობა, რომ ქართველი ხალხის წინააღმდეგ იმუშაონ ქართულ სახელმწიფო უწყებების შიგნით.

ლუსტრაციის განხორციელება მათ შორის სუს-ში იქნება ერთ-ერთი მთავარი პოლიტიკური ამოცანა სხვა სტრუქტურულ რეფორმებთან ერთად“, - განაცხადა სამადაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი