პიტერ სტანო - მოვუწოდებთ საქართველოს ოფიციალურ პირებს, დაასრულონ უარყოფითი მოვლენები, დეტალურად და დროულად გამოიძიონ ძალადობისა და დაშინების დასაბუთებული აქტები

მოვუწოდებთ საქართველოს ოფიციალურ პირებს, დაასრულონ უარყოფითი მოვლენები, დეტალურად და დროულად გამოიძიონ ძალადობისა და დაშინების დასაბუთებული აქტები, - ამის შესახებ ნათქვამია განცხადებაში, რომელსაც ევროკავშირის საგარეო სამსახურის პრესსპიკერი, პეტერ სტანო ავრცელებს.

განცხადებაში ევროკავშირი წუხილს გამოთქვამს საქართველოში სამოქალაქო საზოგადოების წარმომადგენლების, პოლიტიკური ლიდერების, სამოქალაქო აქტივისტებისა და ჟურნალისტების მიმართ დაშინების, მუქარებისა და ფიზიკური თავდასხმების მზარდი რაოდენობის გამო.

“ევროკავშირი წუხს საქართველოში სამოქალაქო საზოგადოების წარმომადგენლების, პოლიტიკური ლიდერების, სამოქალაქო აქტივისტებისა და ჟურნალისტების წინააღმდეგ დაშინების, მუქარებისა და ფიზიკური თავდასხმების მზარდი რაოდენობის გამო. ევროკავშირი, კიდევ ერთხელ, მოუწოდებს საქართველოს ოფიციალურ პირებს დაასრულონ ეს უარყოფითი მოვლენები, და დეტალურად და დროულად გამოიძიონ ძალადობისა და დაშინების დასაბუთებული აქტები.

ასევე, მოვუწოდებთ საქართველოს პოლიტიკურ აქტორებს, თავი შეიკავონ ისეთი ენის გამოყენებისგან, რომელსაც შეუძლია ქვეყანაში უკიდურესი პოლარიზაციის კიდევ უფრო გაღვივება”, - ნათქვამია განცხადებაში.

ევროკავშირი ასევე ღრმად შეშფოთებული რჩება ევროკავშირისა და მისი ღირებულებების შესახებ ფართოდ გავრცელებული დეზინფორმაციის გამო.

ის საქართველოს ოფიციალურ პირებს მოუწოდებს, თავი შეიკავონ განცხადებებისგან, რომლებიც უზუსტოა და არ შეესაბამება საქართველოს მიერ გამოცხადებულ ევროკავშირისკენ მისწრაფებებს და რომლებიც ნეგატიურ გავლენას ახდენენ საქართველოს ევროკავშირთან და წევრ სახელმწიფოებთან ურთიერთობებზე.

„ევროკავშირი ამჟამად "უცხოური გავლენის გამჭვირვალობის შესახებ" კანონის და საქართველოს დემოკრატიისთვისა და კანონის უზენაესობისთვის ძირის გამოთხრის სხვა ქმედებებზე საპასუხოდ ყველა ვარიანტს განიხილავს.

მთავრობას მოვუწოდებთ, დაუბრუნდეს ევროკავშირისკენ გზას. ევროკავშირი აგრძელებს ქართველი ხალხისა და დემოკრატიისა და საქართველოს ევროპული მომავლისთვის სასარგებლოდ მათი უდიდესი უმრავლესობის არჩევანის გვერდში დგომას”, - განაცხადა სტანომ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია