გრიგოლ ლილუაშვილი სავიზო სანქციებზე - ეს არ არის ტონი, რითაც სტრატეგიული პარტნიორი, მეგობარი ქვეყნები ერთმანეთს უნდა ესაუბრონ, თუმცა იმედს გამოვთქვამ, პოლიტიკური ტემპერატურა დაიწევს

ეს არ არის ის ტონი, რითაც სტრატეგიული პარტნიორი, მეგობარი ქვეყნები ერთმანეთს უნდა ესაუბრონ, თუმცა იმედს გამოვთქვამ, რომ პოლიტიკური ტემპერატურა დაიწევს, - ამის შესახებ სახელმწიფო უსაფრთხოების სამსახურის უფროსმა, გრიგოლ ლილუაშვილმა, პარლამენტის პლენარულ სხდომის დასრულების შემდეგ ჟურნალისტებს განუცხადა. გრიგოლ ლილუაშვილმა უპასუხა აშშ-ის მიერ სავიზო სანქციებთან დაკავშირებულ კითხვას.

ლილუაშვილის თქმით, უწყების დონეზე, საქართველოს აშშ-სთან იდეალური ურთიერთობები აქვს, პარტნიორობა გრძელდება და ერთი წუთითაც არ გაჩერებულა.

„განცხადების შინაარსში პირდაპირ იყო გადმოცემული, რომ ეს იყო კონფიდენციალური, შესაბამისად, ვერც მე და ვერც ვერავინ, ვერც დაადასტურებს და ვერც უარყოფს არის თუ არა [სანქცირებულთა] სიაში. რა თქმა უნდა, ეს სამწუხარო ტენდენცია კვლავ განმეორდა, რაც განმეორდა სასამართლო ხელისუფლების წარმომდგენლების მიმართებით. ეს არ არის ის ტონი, რითაც სტრატეგიული პარტნიორი, მეგობარი ქვეყნები ერთმანეთს უნდა ესაუბრონ, თუმცა მე იმედს გამოვთქვამ, რომ ეს პოლიტიკური ტემპერატურა დაიწევს, ისევ დავუბრუნდებით იმ პარტნიორულ ურთიერთობებს, გავაგრძელებთ ჩვენს ნაყოფიერ თანამშრომლობას, მათ შორის, პოლიტიკური კუთხითაც, უსაფრთხოებისა და თავდაცვის მიმართულებით.

მინდა გითხრათ, რომ უწყების დონეზე ჩვენ გვაქვს იდეალური ურთიერთობები, პარტნიორობა გრძელდება და ერთი წუთითაც არ გაჩერებულა. უფრო მეტიც, ყოველდღიურ რეჟიმში გვაქვს ურთიერთობა და ვგეგმავთ თანამშრომლობის ახალ საინტერესო ეტაპებს“, - განაცხადა ლილუაშვილმა.

მისივე თქმით, მეგობარი ქვეყნების კოლეგა უწყებები არიან თანამშრომლობის იმ რეჟიმში, რა რეჟიმიც იყო „უცხოური გავლენის გამჭვირვალობის შესახებ“ კანონპროექტის მიღებამდე.

„სანქციების თემა უკავშირდება სავიზო შეზღუდვას. მე მაქვს ვიზა და შემიძლია გადადგილება, თუმცა ეს იმას არ ნიშნავს, რომ ადამიანმა მაინც და მაინც იქ ჩასვლის მერე უნდა გაიგოს თავისი დასანქცირების შესახებ. როცა საელჩოს ვიზასთან დაკავშირებით მიმართავს, იქ გამოჩნდება მისცემენ თუ არა.

მეგობარი ქვეყნების კოლეგა უწყებები არიან თანამშრომლობის იმ რეჟიმში, რა რეჟიმშიც ვიმყოფებოდით ე.წ. გამჭვირვალობის კანონის მიღებამდე. ამ თანამშრომლობას და პარტნიორობას საფრთხე არ ემუქრება“,- განაცხადა ლილუაშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო