ბავშვის უფლებათა დაცვის მუდმივმოქმედი საპარლამენტო საბჭოს ინიციატივით, ბავშვთა შრომის უფლებებთან დაკავშირებით, ონლაინ შეხვედრა გაიმართა

ბავშვის უფლებათა დაცვის მუდმივმოქმედი საპარლამენტო საბჭოს ინიციატივით და ორგანიზებით, ადგილობრივი მუნიციპალიტეტების წარმომადგენლებისათვის დღეს, პარლამენტში, ონლაინ-შეხვედრა გაიმართა, რომელიც ბავშვთა შრომის წინააღმდეგ ბრძოლის მსოფლიო დღეს მიეძღვნა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შეხვედრას, რომლის თემაც „ბავშვთა შრომითი უფლებები საქართველოში გამოწვევები და გადაჭრის გზები" იყო, ბავშვის უფლებათა დაცვის მუდმივმოქმედი საპარლამენტო საბჭოს თავმჯდომარე ბაია კვიციანი უძღვებოდა.

„შეხვედრაზე საერთაშორისო ორგანიზაცია World Vision-ის ექსპერტმა შეხვედრის თემასთან დაკავშირებით პრეზენტაცია გააკეთა, რომელზეც მთავარი ყურადღება ბავშვთა შრომასთან დაკავშირებულ პრობლემურ საკითხებზე, მათ შორის, ქუჩასთან კავშირში მყოფი ბავშვებისთვის არსებულ მომსახურებებზე და ბავშვთა შრომასთან დაკავშირებით გამოწვევებზე გამახვილდა. შეხვედრაზე წარმოდგენილი იყო პრობლემის დაძლევის მიზნით შემუშავებული რეკომენდაციები. განსახილველ საკითხზე დისკუსია გაიმართა.

შეხვედრაში მონაწილეობდნენ: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საქართველოს სახალხო დამცველის, ადგილობრივ თვითმმართველობათა ეროვნული ასოციაციის, ადგილობრივი მუნიციპალიტეტების, თბილისის მერიის წარმომადგენლები”, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია