დიდი ბრიტანეთი „დიდი შვიდეულის“ სამიტზე უკრაინისთვის 300 მილიონ აშშ დოლარზე მეტი ოდენობის დახმარებას გამოაცხადებს

გაერთიანებული სამეფოს პრემიერ-მინისტრი, რიში სუნაკი „დიდი შვიდეულის“ შეხვედრაზე 242 მილიონი გირვანქა სტერლინგის (დაახლოებით 309 მილიონი აშშ დოლარი) ოდენობის დახმარებას გამოაცხადებს, - ამის შესახებ გაერთიანებული სამეფოს მთავრობის ვებგვერდზე განთავსებულ ინფორმაციაშია აღნიშნული.

“სამიტზე პრემიერ-მინისტრი გამოაცხადებს 242 მილიონი გირვანქა სტერლინგის ოდენობის დახმარებას უკრაინას გადაუდებელი ჰუმანიტარული, ენერგეტიკული და სტაბილიზაციის საჭიროებების დასაკმაყოფილებლად გრძელვადიანი სოციალურ-ეკონომიკური აღდგენისა და რეკონსტრუქციისთვის საფუძვლის ჩასაყრელად“, - აღნიშნულია ინფორმაციაში.

გაერთიანებული სამეფოს მთავრობაში აცხადებენ, რომ ეს დაფინანსება ადასტურებს მათ მუდმივ საერთაშორისო სოლიდარობას უკრაინის მიმართ და რუსეთის აგრესიის შედეგად წარმოქმნილ დაუყოვნებელ საჭიროებებზე რეაგირებაში მოქნილობას.

“სამიტზე პრემიერ-მინისტრის პრიორიტეტი იქნება პარტნიორებთან მუშაობა, რათა შეთანხმდნენ გაყინული რუსული აქტივების უკრაინის მხარდასაჭერად გამოყენების გზებზე. გაერთიანებული სამეფოსა და „დიდი შვიდეულის“ ლიდერები მკაფიოდ აცხადებენ, რომ რუსეთმა უნდა გადაიხადოს იმ ზიანისთვის, რასაც უკრაინას აყენებს. ჩვენ გამოვიკვლევთ ყველა კანონიერ გზას, რომლითაც შესაძლებელი იქნება იმობილიზებული რუსული აქტივების გამოყენება უკრაინის მხარდასაჭერად“, - აღნიშნულია ინფორმაციაში.

გაერთიანებული სამეფოს მთავრობაში განმარტავენ, რომ „დიდი შვიდეულის“ იურისდიქციებში არსებული აქტივების ღირებულება 285 მილიარდი აშშ დოლარია.

„უნდა ვიყოთ გადამწყვეტი და კრეატიული ჩვენს მცდელობებში, მხარი დავუჭიროთ უკრაინას და დავასრულოთ პუტინის უკანონო ომი ამ კრიტიკულ მომენტში. დიდი ბრიტანეთი რჩება საერთაშორისო რეაგირების წინა პლანზე. ჩვენ უნდა შევცვალოთ ფრაზა [დავეხმარებით] „იმდენხანს, რამდენიც საჭირო იქნება“ ფრაზით : „რაც საჭირო იქნება“, თუ გვინდა, რომ ეს უკანონო ომი დასრულდეს“, - აღნიშნა გაერთიანებული სამეფოს პრემიერმა, რიში სუნაკმა.

შეგახსენებთ, იტალიის აპულიის რეგიონში „დიდი შვიდეულის“ სამიტი 13-14 ივნისს გაიმართება.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი