ბორჯომის მუნიციპალიტეტში ტურისტული მნიშვნელობის გზების რეაბილიტაცია მიმდინარეობს.

ინფორმაციას ბორჯომის მერია ავრცელებს.

მათივე ცნობით, საკურორტო სოფელ ტბაზე, ცემში, სადგერსა და დაბა ბაკურიანში გზების რეაბილიტაცია აქტიურ ფაზაშია.

„გზის რეაბილიტაციის პროექტი ითვალისწინებს: დაბა ბაკურიანში - წაქაძის ქუჩის, ცემში - ორი ჩიხის, ტბაზე - ერთი ჩიხის და სადგერში შიდა საუბნო გზის რეაბილიტაციას. ჯამში, ოთხ სოფელში გზის საფარის 900 მეტრიანი მონაკვეთი მოეწყობა. ასევე, მოეწყობა სანიაღვრე სისტემაც.

საკურორტო სოფლებში საგზაო ინფრასტრუქტურის მოწესრიგება, ბორჯომის მუნიციპალიტეტისთვის ერთ-ერთი პრიორიტეტული მიმართულებაა. მოწესრიგებული საგზაო ინფრასტრუქტურა ხელს უწყობს ტურიზმის განვითარებას. აღნიშნული გზებით, სოფელში მცხოვრები ოჯახები და ვიზიტორები შეძლებენ გადაადგილებას,“ - აღნიშნულია ინფორმაციაში.