ჯაბა სამუშიამ სან დიეგოს სახელმწიფო უნივერსიტეტთან სამომავლო თანამშრომლობის გეგმები განიხილა

თბილისის სახელმწიფო უნივერსიტეტის რექტორი, ჯაბა სამუშია სან დიეგოს სახელმწიფო უნივერსიტეტის პროვოსტს და პირველ ვიცე-პრეზიდენტს უილიამ ტონგის, ვიცე-პრეზიდენტს კვლევებისა და ინოვაციების საკითხებში ჰალა მადანატს, მეცნიერებათა სკოლის დეკანს ჯეფრი რობერტს, გლობალ კემპუსის დეკანს იან გიბსონს შეხვდა.

ამის შესახებ ინფორმაციას თსუ ავრცელებს.

უნივერსიტეტის ცნობით, შეხვედრას თსუ სამეცნიერო კვლევების დეპარტამენტის ხელმძღვანელი გიორგი ღვედაშვილი ესწრებოდა.

„თსუ რექტორმა ამერიკელ პარტნიორებთან საბუნებისმეტყველო და სოციალურ მეცნიერებათა მიმართულებით თანამშრომლობის გაგრძელებასა და მის გაფართოებაზე ისაუბრა. შეხვედრაზე შეფასდა თსუ-ში უკვე განხორციელებული ერთობლივი პროგრამები, სწავლების მეთოდები, სტუდენტთა მოზიდვისა და კურსდამთავრებულთა დასაქმების მაჩვენებელი.

თბილისის სახელმწიფო უნივერსიტეტისა და სან დიეგოს სახელმწიფო უნივერსიტეტის თანამშრომლობის ფარგლებში განხორციელდა შემდეგი პროგრამები: ელექტრული და ელექტრონული ინჟინერია, კომპიუტერული მეცნიერება და ქიმია.

სან დიეგოს სახელმწიფო უნივერსიტეტი საქართველოში 2014 წლიდან ფუნქციონირებს და სტუდენტებს სთავაზობს საბაკალავრო პროგრამებს მეცნიერების, ტექნოლოგიების, ინჟინერიისა და მათემატიკის მიმართულებით. აღნიშნული ინიციატივა განხორციელდა ამერიკის შეერთებული შტატების ათასწლეულის გამოწვევის კორპორაციასთან თანამშრომლობით, როგორც მეორე კომპაქტის ერთ-ერთი ნაწილი“,- აღნიშნულია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო