შალვა პაპუაშვილი - ევროკავშირის ბიუჯეტიდან დაფინანსებული ორგანიზაციები დაკავებული არიან ზიზღის კამპანიით, იმუქრებიან და სამწუხაროდ, ამაზე ევროკავშირის მხრიდან არანაირი რეაქცია არ გვაქვს - წაყრუება მიუღებელია

ევროკავშირის ბიუჯეტიდან დაფინანსებული ორგანიზაციები დაკავებული არიან ზიზღის კამპანიით, იმუქრებიან, შეურაცხყოფას აყენებენ უმაღლესი პოლიტიკური თანამდებობის პირებს და სამწუხაროდ, ამაზე ევროკავშირის მხრიდან არანაირი რეაქცია არ გვაქვს - წაყრუება მიუღებელია, თუ იწონებენ ამას და ამბობენ, რომ ეს არის გამოხატვის თავისუფლების ნაწილი, გვითხრან, თუ პასუხისმგებლობას არ იღებენ ევროკავშირის ბიუჯეტიდან დახარჯულ ფულზე, ესეც გვითხრან, - ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან საუბრისას განაცხადა.

მან ევროკავშირის სტრუქტურებს, პოზიციის გამოხატვისკენ მოუწოდა და აღნიშნა, რომ წაყრუება, რომელიც არის ძალადობის და ტერორის მიმართ და ასევე, მმართველი გუნდის მიმართვების მიმართ, მიუღებელია.

პაპუაშვილმა ევროკავშირს ასევე მოუწოდა, შეისწავლოს ის შემთხვევები, როდესაც ევროკავშირის ბიუჯეტიდან დაფინანსებული ორგანიზაციები და მათი თანამშრომლები დაკავებულები არიან მუქარით, ტერორით, დაშინებით, ტელეფონზე რეკვით.

„რა ხანია ვხედავთ მუქარას, დაშინების მცდელობას, სატელეფონო ზარებს, ოჯახის წევრებზე თავდასხმას, მუქარას, ტელეფონების ნომრების გასაჯაროებას, ტერორს ოჯახებზე, პირად სივრცეში მივარდნას და ზიზღის ენას - ამ ყველაფერს კოორდინირებულად ახორციელებენ რადიკალური ოპოზიციის და არასამთავრობო ორგანიზაციების წარმომადგენლები. ამ ორგანიზაციების ნაწილი არის დაფინანსებული ევროკავშირის ბიუჯეტიდან. ამ მხრივ განსაკუთრებით გამოირჩევა ევროპის დემოკრატიის ფონდი. კიდევ ერთხელ მივმართავ ევროკავშირის წარმომადგენლობას, როგორც საქართველოში, ისე საერთოდ, ევროკავშირს და ევროკომისიას, შეისწავლოს ის შემთხვევები, როდესაც ევროკავშირის ბიუჯეტიდან დაფინანსებული ორგანიზაციები და მათი თანამშრომლები დაკავებულები არიან მუქარით, ტერორით, დაშინებით, ტელეფონზე რეკვით.

ეს არის შემთხვევები, რომელსაც სამწუხაროდ, დღემდე ევროკავშირის არც ერთი წარმომადგენელი არ გამოხმაურებია. ამას არ გამოხმაურებია არც ერთი არასამთავრობო ორგანიზაცია, რომ დაეგმო ეს ძალადობა, ტერორი, მუქარა, ზიზღის კამპანია, რომელიც მიმდინარეობს საქართველოში ზოგიერთი არასამთავრობო ორგანიზაციის და რადიკალური ოპოზიციის მხრიდან. ეს წაყრუება თავის მხრივ, შეიძლება იქნას ამ ჯგუფების მხრიდან გაგებული, როგორც წახალისება. ჩვენ ვხედავთ, რომ სულ უფრო იმატებს მათი მხრიდან ეს ზიზღის კამპანია, რომელიც თავის მხრივ, აღრმავებს პოლარიზაციას. სამწუხაროა, რომ ამ პოლარიზაციის არათუ გაღრმავების წინააღმდეგ რამეს აკეთებენ ევროპული სტრუქტურები, არამედ ამ წაყრუებით და იმით, რომ ეგუებიან, რომ ევროკავშირის ფული იხარჯება იმ ორგანიზებაზე, რომლებიც ჩართულები არიან ზიზღის და პოლარიზაციის კამპანიაში, თავისთავად ვნებს საქართველოს. მივმართავ ევროკავშირის შესაბამის სტრუქტურებს, შეისწავლოს ეს საკითხი და დააფიქროს თავისი პოზიცია,“ - განაცხადა პაპუაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის