იენს სტოლტენბერგი - უნგრეთმა თავიდანვე განაცხადა, რომ უკრაინას ლეტალურ დახმარებას არ გადასცემდა - ჩვენ ფართო შეთანხმება გვაქვს, რომ უკრაინას იარაღი უნდა მივაწოდოთ

უნგრეთმა თავიდანვე განაცხადა, რომ უკრაინას ლეტალურ დახმარებას არ გადასცემდა, - ამის შესახებ ნატო-ს გენერალურმა მდივანმა, იენს სტოლტენბერგმა ბრიუსელში, ნატო-ს თავდაცვის მინისტრების შეხვედრის დაწყებამდე განაცხადა.

კითხვაზე, ღელავს თუ არა იმის გამო, რომ ვიქტორ ორბანთან შეთანხმების შემდეგ, უკრაინისთვის სამხედრო და ფინანსური დახმარების აღმოჩენაზე, უნგრეთის მსგავსად, ალიანსის სხვა სახელმწიფოებიც უარს იტყვიან, იენს სტოლტენბერგმა უარყოფითი პასუხი გასცა.

„არა, რადგან ჩვენ ფართო შეთანხმება გვაქვს, რომ უკრაინას იარაღი უნდა მივაწოდოთ და ეს უკვე მრავალი წელია არსებობს, განსაკუთრებით რუსეთის შეჭრის დაწყების შემდეგ. უნგრეთმა თავიდანვე განაცხადა, რომ უკრაინას ლეტალურ დახმარებას არ გადასცემდა, მაგრამ ნატო-ს წევრი ყველა სხვა ქვეყანა ამას ორმხრივ საფუძველზე ან აშშ-ის ხელმძღვანელობით მოქმედ საკონტაქტო ჯგუფის მეშვეობით აკეთებს“, - განაცხადა ნატო-ს გენერალურმა მდივანმა.

შეგახსენებთ, გუშინ, იენს სტოლტენბერგმა, უნგრეთის პრემიერ-მინისტრთან, ვიქტორ ორბანთან შეხვედრის შემდეგ გამართულ პრესკონფერენციაზე განაცხადა, რომ უნგრეთი ალიანსის მიერ უკრაინის დახმარებას არ დაბლოკავს, მაგრამ უნგრეთის მთავრობა უკრაინის დასახმარებლად პერსონალს ან ფინანსებს არ გამოყოფს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო