პარლამენტმა დაჩქარებული წესით განიხილა და მესამე მოსმენით მხარი დაუჭირა პროექტს, რომლის საფუძველზეც მეცნიერებათა აკადემიის წევრ-კორესპონდენტთა არჩევის წესი დაბრუნდა

მეცნიერებათა ეროვნული აკადემია აკადემიის წევრ-კორესპონდენტებს კვლავ აირჩევს - პარლამენტმა დაჩქარებული წესით განიხილა და მესამე მოსმენით მხარი დაუჭირა პროექტს, რომლის საფუძველზეც აკადემიის წევრ-კორესპონდენტთა არჩევის წესი დაბრუნდა.

კანონის ჯერ კიდევ მოქმედი რედაქციით, წევრ-კორესპონდენტები აკადემიის წევრები არიან და მონაწილეობას იღებენ აკადემიის მართვის უმაღლეს ორგანოში, აკადემიის საერთო კრებაში, თუმცა მათი არჩევის საკანონმდებლო საფუძველი არ არსებობს, რადგან ის 2009 წლიდან გაუქმებულია.

როგორც მმართველი გუნდი განმარტავს, იმის გათვალისწინებით, რომ აკადემიის წევრ-კორესპონდენტთა არჩევა 2009 წლის 1 მაისიდან შეწყდა, ამან მათი მილევად რეჟიმში გადაყვანა გამოიწვია. 2009 წელს აკადემიის წევრთა საერთო (აკადემიკოსთა და წევრ-კორესპონდენტთა) რაოდენობა 127 იყო, ხოლო დღეს-დღეობით მათი შემადგენლობა 78 წევრით განისაზღვრება.

პარლამენტის მიერ მიღებული კანონის მიხედვით განისაზღვრა, რომ აკადემიის ნამდვილი წევრების (აკადემიკოსების) საერთო რაოდენობა სამოცდაათს არ უნდა აღემატებოდეს, აკადემიის წევრ-კორესპონდენტთა რაოდენობა - ოცდაათს, ხოლო სტიპენდიატთა რაოდენობა ათს არ უნდა აღემატებოდეს.

აკადემიის წევრ-კორესპონდენტად შეიძლება აირჩეს საქართველოს მოქალაქე, საქართველოში მოღვაწე, მაღალი სამეცნიერო ავტორიტეტის მქონე მეცნიერი, რომელსაც მნიშვნელოვანი წვლილი აქვს შეტანილი მეცნიერების განვითარებაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია