გიორგი ამილახვარი - განათლებაში შედეგების მიღწევას გარკვეული პერიოდი სჭირდება, თუმცა დარწმუნებული ვარ, ნაბიჯები, რომელიც განვახორციელეთ ამ ერთი წლის განმავლობაში, იმის საწინდარი იქნება, რომ ზოგადი განათლების ხარისხი უახლოეს წლებში გაუმჯობესდება

არა მხოლოდ ჩვენი ხელისუფლების დროს, არამედ დამოუკიდებლობის მოპოვების დღიდან პრაქტიკულად თაროზე შემოდებული ისეთი საკითხებისთვის, როგორიც არის სასწავლო გეგმა, სახელმძღვანელოები, საგნობრივი სტანდარტები, ზოგადი განათლების ეროვნული მიზნები, მასწავლებლის განვითარების კარიერულის სქემა, სახელფასო პოლიტიკა, კვალიფიკაციის ამაღლების პოლიტიკა, შევეცადეთ, რეალურად ხელი მოგვეკიდა და გრძელვადიან ამოცანებზე გათვლილი პოლიტიკა დაგვეგეგმა , - ამის შესახებ საქართველოს განათლების მინისტრმა, გიორგი ამილახვარმა პლენარულ სხდომაზე „მინისტრის საათის ფორმატში სიტყვით გამოსვლისას განაცხადა.

მისივე თქმით, განათლებაში შედეგების მიღწევას გარკვეული პერიოდი სჭირდება.

„მინდა გულწრფელი ვიყო, რომ გამოწვევები ბევრი გვაქვს, ვფიქრობ, სწორი პოლიტიკის დაგეგმვისას, მთავარია, ჩვენ საძირკველი მყარი გვქონდეს. პირველ ეტაპზე, აქცენტი ზოგად განათლებაზე გავაკეთეთ, შესაბამისად, სამი დიდი კვლევა ჩავატარეთ, ეს არის ეროვნული სასწავლო გეგმის დანერგვის კვლევა, თუ რა შედეგები და ხარვეზები გვქონდა, სასკოლო სახელმძღვანელოებთან და მასწავლებლების პროფესიული კარიერული განვითარების სქემასთან დაკავშირებული. ეს რამხელა საკითხებია, დარგში ჩახედულ ადამიანებს კარგად მოგეხსენებათ. ის მიგნებები, რეკომენდაციები, რომელიც კვლევის შედეგებმა მოგვცა, მინდა, სრული სიამაყით გითხრათ, რომ ათასობით მასწავლებელი ამ კვლევებში იყო ჩართული. ეს მცირე ფოკუს ჯგუფებისგან შემდგარი კვლევითი ბენეფიციარები არ იყო, რომლებიც გარკვეულ ვიწრო ინფორმაციას მოგვცემდნენ, არამედ სეგმენტი ფართოდ შერჩეული იყო, რომელმაც რეალური ხმა მოგვცა - ჩვენი პედაგოგების, სასკოლო საზოგადოების. შესაბამისად, ჩვენ ავიღეთ გეზი, რომ ყველა დიდი რეფორმა და გადაწყვეტილებები კვლევებზე იყოს დაფუძნებული.

ახლა გადავალ ზოგადი განათლების ნაწილზე. ძალიან გულწრფელი, რომ ვიყო პრაქტიკულად, ყოველგვარი ქილიკის გარეშე შემიძლია გითხრათ, რომ შევეცადეთ, მე და ჩემმა გუნდმა, არა მხოლოდ ჩვენი ხელისუფლების დროს, არამედ დამოუკიდებლობის მოპოვების დღიდან პრაქტიკულად თაროზე შემოდებული ისეთი საკითხები, როგორიც არის სასწავლო გეგმა, სახელმძღვანელოები, საგნობრივი სტანდარტები, ზოგადი განათლების ეროვნული მიზნები, მასწავლებლის განვითარების კარიერულის სქემა, სახელფასო პოლიტიკა, კვალიფიკაციის ამაღლების პოლიტიკა - შევეცადეთ, რომ რეალურად ხელი მოგვეკიდა ამ საკითხებისთვის და დაგვეგეგმა გრძელვადიან ამოცანებზე გათვლილი პოლიტიკა. ბუნებრივია, განათლებაში შედეგების მიღწევას გარკვეული პერიოდი სჭირდება, თუმცა დარწმუნებული ვარ, ის ნაბიჯები, რომელიც თქვენთან ერთად ჩვენ განვახორციელეთ, ამ ერთი წლის განმავლობაში იმის საწინდარი იქნება, რომ ზოგადი განათლების ხარისხი ერთი ორად უახლოს წლებში გაუმჯობესდება“, - განაცხადა ამილახვარმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია