ნოტარიუსთა პალატის გამგეობის თავმჯდომარემ ეკატერინე ნანდოშვილმა ადამ ტოთს შეხვდა, სადაც სამომავლო თანამშრომლობასა და CNUE-ს საქმიანობაში საქართველოს ნოტარიუსთა პალატის ჩართულობაზე ისაუბრა.

ამის შესახებ ინფორმაციას იუსტიციის სამინისტრო ავრცელებს.

სამინისტროს ცნობით, მხარეებმა გამოხატეს მზაობა, გააღრმაონ არსებული თანამშრომლობა ინსტიტუციური დახმარების გაწევისა და საუკეთესო სანოტარო პრაქტიკის გაზიარების მიმართულებებით.

„საქართველოს ნოტარიუსთა პალატა მორიგ სამუშაო შეხვედრას ევროკავშირის ნოტარიუსთა საბჭოს საერთაშორისო ურთიერთობების ხელმძღვანელთან 2025 წლის სექტემბერში უმასპინძლებს. ეს გადაწყვეტილება მხარეებმა შეხვედრის დროს მიიღეს.

სამუშაო შეხვედრა მიზნად ისახავს ევროკავშირის ქვეყნების სანოტარო სისტემების საუკეთესო პრაქტიკის გაზიარებას სხვადასხვა მნიშვნელოვან საკითხებთან მიმართებით.

ორმხრივი შეხვედრა ევროკავშირის ნოტარიუსთა საბჭოს გენერალური ასამბლეის ფარგლებში გაიმართა, რომელსაც წინ უძღოდა საქართველოს ნოტარიუსთა პალატის CNUE - ში დამკვირვებლის სტატუსით გაწევრების ოფიციალური ცერემონია.

შეხვედრაში ევროკავშირის ნოტარიუსთა საბჭოს წარმომადგენლებთან ერთად მონაწილეობა მიიღეს, ასევე, საქართველოს ნოტარიუსთა პალატის გამგეობის თავმჯდომარის მოადგილე, მარიკა გოგოლაძემ, გამგეობის წევრებმა ეთერ გზირიშვილმა, რომან კოსტანიანმა და ნოტარიუსთა პალატის საერთაშორისო ურთიერთობების სპეციალისტმა თეონა წინწალაშვილმა“,- აღნიშნულია ინფორმაციაში.