ხატია დეკანოიძე სუს-ის უფროსის განცხადებაზე - საკუთარი განცხადებების არასერიოზულობაში ეხვევიან და კომიკური ხდება უკვე ეს ყველაფერი

ვფიქრობ, რომ ეს არის უკვე მოძველებული, ვადაგასული და არასერიოზული განცხადება, - ასე შეაფასა „ევროოპტიმისტების“ დეპუტატმა, ხატია დეკანოიძემ სუს-ის უფროსის გრიგოლ ლილუაშვილის განცხადება, რომ 2023 წელს სხვადასხვა აქტორების მიერ ადგილი ჰქონდა საქართველოში პოლიტიკური ვითარების გამწვავებისა და ხელისუფლების ძალადობრივი გზით ცვლილებისთვის ნიადაგის მომზადების მცდელობას.

დეკანოიძის თქმით, არცერთი გამოძიება არ დასრულებულა კონკრეტული შედეგებით, ვინაიდან ასეთი საკითხი არ არსებობს.

„ვფიქრობ, რომ ეს არის უკვე მოძველებული, ვადაგასული და არასერიოზული განცხადება. ჩვენ ამ 12 წლის განმავლობაში ვიხილეთ ძალიან ბევრი მსგავსი განცხადებები, გადატრიალების ე.წ. რაღაც მოსალოდნელი სცენარების შესახებ.

ამიტომ, მე ამ განცხადებას სერიოზულად არ უყურებ. ერთადერთი შემიძლია გითხრათ, რომ არცერთი გამოძიება არ დასრულებულა კონკრეტული შედეგებით, ვინაიდან ასეთი საკითხი არ არსებობს.

საკუთარი განცხადებების არასერიოზულობაში ეხვევიან და კომიკური ხდება უკვე ეს ყველაფერი“, - აღნიშნა ხატია დეკანოიძემ.

ცნობისთვის, სუს-ის უფროსმა, გრიგოლ ლილუაშვილმა პარლამენტში წლიური ანგარიშის წარდგენისას განაცხადა, რომ 2023 წელს სხვადასხვა აქტორების მიერ ადგილი ჰქონდა საქართველოში პოლიტიკური ვითარების გამწვავებისა და ხელისუფლების ძალადობრივი გზით ცვლილებისთვის ნიადაგის მომზადების მცდელობას.

მისი თქმით, აღნიშნული მცდელობების გასანეიტრალებლად სხვა კომპეტენტურ უწყებებთან კოორდინაციით, გატარდა ყველა საჭირო პრევენციული ღონისძიება, რითაც საბოლოო ჯამში, ქვეყანაში დესტრუქციული პროცესების განვითარების თავიდან აცილება მოხერხდა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის