არჩილ თალაკვაძე - ყველა მშობლის ოცნებაა, შვილებს მისცეს ხარისხიანი, კონკურენტული განათლება და ხელისუფლება სწორედ ამ მიზნის განხორციელებაში თითოეული ოჯახის გვერდით დგას

განათლებისა და მეცნიერების სამინისტროს საქმიანობაზე არის მეტწილად დამოკიდებული ჩვენი ქვეყნის მომავალი. ეს არის სფერო, რომელიც დაკავშირებულია როგორც ქვეყნის მომავალ ეკონომიკასთან, განვითარებასთან, ისე პირდაპირ იმასთან, თუ სად იქნება ხვალ საქართველო, რა ადგილი ექნება მას ხვალინდელ მსოფლიოში, - ამის შესახებ პარლამენტის თავმჯდომარის მოადგილემ არჩილ თალაკვაძემ პლენარულ სხდომაზე განაცხადა, სადაც „მინისტრის საათის" ფორმატში, განათლების, მეცნიერებისა და ახალგაზრდობის მინისტრს, გიორგი ამილახვარს მოუსმინეს.

როგორც არჩილ თალაკვაძემ აღნიშნა, მინისტრს აქვს საპარლამენტო გუნდის სრული პოლიტიკური მხარდაჭერა იმ რეფორმების და პრიორიტეტების განხორციელებაში, რომელიც განათლების ხარისხს, მის ხელმისაწვდომობას და თანასწორობას ეხება.

მისი თქმით, თითოეული ოჯახის და ყველა მშობლის ოცნებაა, რომ შვილებს ხარისხიანი, თანამედროვე, კონკურენტული განათლება მისცეს და ხელისუფლება სწორედ ამ მიზნის განხორციელებაში დგას მოქალაქეების, საზოგადოებისა და თითოეული ოჯახის გვერდით.

„საქართველო, ქართული საზოგადოება, ყოველთვის გამოირჩეოდა განათლების მიმართ სწრაფვით, ვინაიდან ყოველთვის გვჯეროდა და დღესაც გჯერა, რომ სიღარიბის დაძლევის საუკეთესო, ყველაზე ეფექტიანი, წარმატებული გზა არის თანამედროვე და ხარისხიანი განათლების მიღება. ყოველთვის გჯეროდა, რომ საქართველო ევროპულ ოჯახში დაბრუნდება მაშინ, როდესაც ჩვენ გვეყოლება განათლებული საზოგადოება და როდესაც ჩვენი წინაპრების ოცნება და სწრაფვა - განათლების სისტემის სრულყოფისკენ მიაღწევს იმ დონეს, როდესაც საქართველოს მოქალაქე ცოდნით გახდება კონკურენტული ევროკავშირის მოქალაქესთან. სწორედ ამ ოცნების, ამ მიზნის და ამ გეგმის განხორციელების პროცესში არის დღეს განათლების სამინისტრო, მინისტრი და მთელი პოლიტიკური გუნდი", - განაცხადა არჩილ თალაკვაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის