რუსული მხარის ინფორმაციით, უკრაინამ როსტოვში, ვორონეჟსა და კურსკში დრონებით შეტევა განახორციელა

უკრაინის საჰაერო თავდაცვის ძალებმა როსტოვის ოლქში დრონების მასიური თავდასხმა მოიგერიეს, - ინფორმაციას რუსული მედია რეგიონის გუბერნატორზე, ვასილი გოლუბევზე დაყრდნობით ავრცელებს.

გუბერნატორის განცხადებით, წინასწარი მონაცემებით, თავდასხმას მსხვერპლი არ მოჰყოლია.

„საჰაერო თავდაცვის ძალებმა წარმატებით მოიგერიეს უპილოტო საფრენი აპარატების მასიური შეტევა როსტოვის ოლქის ტერიტორიაზე. დრონები რეგიონის რამდენიმე დასახლებულ პუნქტში განადგურდა. წინასწარი მონაცემებით, მსხვერპლი არ არის. შედეგები ადგილზე ზუსტდება“, - აცხადებს გუბერნატორი.

ამასთან, ვორონეჟის გუბერნატორმა, ალექსანდრე გუსევმა განაცხადა, რომ უკრაინული უპილოტო საფრენი აპარატები ლისკინსკის რაიონში ნავთობის საცავზე თავდასხმას შეეცადნენ. წინასწარი ინფორმაციით, მსუბუქად დაზიანებულია საწვავის ავზები, აალება არ მომხდარა და არავინ დაშავებულა.

კურსკის ოლქის გუბერნატორი, ალექსეი სმირნოვი „ტელეგრამ“ არხზე წერს, რომ ოლქში ხუთი დრონი ჩამოაგდეს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო