ოთარ შამუგია - ჩვენი მიზანია, ხელი შევუწყოთ კერძო ლაბორატორიული ქსელის განვითარებას

თბილისში, ლისის ტბის მიმდებარედ, ახალი, საერთაშორისო ანალიტიკური ლაბორატორია გაიხსნა. ლაბორატორიის გახსნის ღონისძიებას ეკონომიკისა და მდგრადი განვითარების მინისტრი ლევან დავითაშვილი და გარემოს დაცვისა და სოფლის მეურნეობის მინისტრი ოთარ შამუგია დაესწრნენ.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, ლაბორატორიაში მაღალტექნოლოგიური კვლევები ჩატარდება, რომელიც სრულ შესაბამისობაშია ევროკავშირის სტანდარტებთან. ლაბორატორია ბიზნესსექტორსა და კერძო პირებს 500-მდე კვლევას სთავაზობს.

,,ჩვენი მიზანია, ხელი შევუწყოთ კერძო ლაბორატორიული ქსელის განვითარებას; თბილისში ასეთი სტანდარტების ლაბორატორიის გახსნა მნიშვნელოვანი ფაქტია. აღსანიშნავია, რომ მუდმივად იზრდება ლაბორატორიულ მომსახურებაზე მოთხოვნა და საჭიროება. ამიტომ, ყოველწლიურად ვზრდით და ვაძლიერებთ ჩვენი სოფლის მეურნეობის ლაბორატორიის შესაძლებლობებს. სამინისტრომ, გაეროს სურსათის და სოფლის მეურნეობის ორგანიზაციასთან (FAO) ერთად შეიმუშავა და დაამტკიცა ლაბორატორიული ქსელის განვითარების კონცეფცია. ჩვენი მიზანია, ხელი შევუწყოთ ლაბორატორიული ქსელის განვითარების პროცესს, რასაც განსაკუთრებული მნიშვნელობა აქვს DCFTA ფარგლებში, იმ ვალდებულებების შესრულებების კუთხით, რომელიც ჩვენ გვაქვს აღებული ევროკავშირთან ინტეგრაციის მიმართულებით“, - განაცხადა ოთარ შამუგიამ.

მათივე ინფორმაციით, საერთაშორისო ანალიტიკური ლაბორატორიის საქმიანობა აგრარულ, ვეტერინარულ და სურსათის უვნებლობის, მათ შორის HACCP-ის მიმართულებით სრულ ლაბორატორიულ მომსახურებას, პურ-ფუნთუშეულის, მარცვლეულისა და თხილეულის დეტალურ კვლევას, ქიმიურ-მიკრობიოლოგიური ნიადაგის, ვეტერინარული პრეპარატების ნარჩენებისა და დამაბინძურებლების და ცხოველის საკვებში ანტიბიოტიკების ნარჩენების დეტალურ შესწავლასა და ანალიზის მოიცავს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია