ლაშა ტყეშელაძე - რუსულმა ხელისუფლებამ თავისუფალი ახალგაზრდები ტყვედ აიყვანა და გლდანის ციხეში გამოკეტა, მაგრამ ამით არ დაკმაყოფილდა და კრიმინალი „ტიტუშკები“ მიაგზავნა

რუსულმა რეჟიმმა თავისუფალი ახალგაზრდების ციხეში ყოფნა არ იკმარა და მათ კრიმინალი „ტიტუშკები“ საკანში მიუგზავნა ფიზიკური და ფსიქოლოგიური ძალადობის განსახორციელებლად - ამ ყველაფრით უნდა დაინტერესდეს სახალხო დამცველი და ყველა საგამოძიებო ორგანოს მოსთხოვოს გამოძიება, - ამის შესახებ „ერთიანი ნაციონალური მოძრაობის“ იურისტმა, ლაშა ტყეშელაძემ განაცხადა.

მისივე თქმით, სისხლის სამართლის დანაშაულია, როდესაც პატიმარ ადამიანთან საკანში კრიმინალ “ტიტუშკას” შეუშვებ, რომ მასზე ფიზიკურად იძალადოს.

“რუსულმა ხელისუფლებამ თავისუფალი ახალგაზრდები ტყვედ აიყვანა და გლდანის ციხეში გამოკეტა, მაგრამ ამ ყველაფრით არ დაკმაყოფილდა და უკვე ახალგაზრდებთან კრიმინალი „ტიტუშკები“ მიაგზავნა ციხის დაწესებულებაში და თვითონ საკანში, სადაც იძალადეს ფსიქოლოგიურად, ფიზიკურად და უნდოდათ მათზე განეხორციელებინათ ფიზიკური ანგარიშსწორება, მაგრამ იქვე მყოფებმა გადაარჩინეს ეს ახალგაზრდა, ვერ მოხდა ამ ადამიანზე ფიზიკური ანგარიშსწორება. ე.წ. ბადრაგი, დაგვიანებით მივიდა, როდესაც ეს „ტიტუშკა“ კრიმინალი გაჰყავდათ საკნიდან, მას პირველი კითხვა დაუსვა - სად მიგყავართ, ტელეფონთან? აქედანაც ჩანს, რომ ეს ყველაფერი იყო წინასწარ დაგეგმილი, შეთანხმებული და ე.წ. “აჩოტების” ჩაბარება უნდოდა დამკვეთთან. ეს ყველაფერი არის არაადამიანური საქციელი, არის სისხლის სამართლის დანაშაული, როდესაც პატიმარ ადამიანთან შიგნით, საკანში შეუშვებ კრიმინალ “ტიტუშკას”, რომ მასზე იძალადოს ფიზიკურად.

ამ ყველაფრით უნდა დაინტერესდეს პირადად სახალხო დამცველი, პირად კონტროლზე უნდა აიყვანოს აღნიშნული საქმე, გამოვიდეს და დაგმოს ძალადობა და თქვას, რომ ეს ადამიანები არიან უკანონოდ დაკავებულები და გამოძიება მოსთხოვოს ყველა შესაბამის ორგანოს. ყველა დანაშაულს აქვს ხანდაზმულობა 15-20 წელი და აუცილებლად ყველასთან მივა სამართალი, ეს ადამიანები კი აუცილებლად მალე გათავისუფლდებიან,” - განაცხადა ლაშა ტყეშელაძემ, რომლის კომენტარსაც „ერთიანი ნაციონალური მოძრაობა“ ავრცელებს.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო