აჭარის  უმაღლეს საბჭოში ავტონომიური რესპუბლიკის მთავრობის თავმჯდომარეს მოუსმინეს

უმაღლესი საბჭოს რიგგარეშე პლენარულ სხდომაზე, რომელსაც საკანონმდებლო ორგანოს თავმჯდომარე - დავით გაბაიძე უძღვებოდა, აჭარის მთავრობის თავმჯდომარეს მოუსმინეს - თორნიკე რიჟვაძემ 2023-2024 წლების ანგარიში წარმოადგინა და სოციალური, ეკონომიკური უზრუნველყოფის, ტურიზმის, საგანმანათლებლო და ჯანდაცვის მიმართულებით მიღწეული შედეგები შეაჯამა.

მომხსენებელმა თავისი გამოსვლა რეგიონის მიღწევებზე საუბრით დაიწყო. აღნიშნა, რომ მაქსიმალური კეთდება, რათა ღირსებით, სუვერენიტეტის დაცვით დავუახლოვდეთ ევროპულ ოჯახს და პარალელურად, ქვეყანაში შევინარჩუნოთ მშვიდობა და სტაბილურობა:

სულ ახლახან ბათუმი დასახელდა ევროპის წამყვან საინვესტიციო ქალაქად. ეს ნიშნავს, რომ კიდევ უფრო მეტი ინვესტიცია, პროექტი განხორციელდება, მეტი სამუშო ადგილი შეიქმნება და რაც ყველაზე მთავარია, კიდევ უფრო მეტი კეთილდღეობა შეიქმნება ჩვენი მაცხოვრებლებისთვის. დარწმუნებული ვარ, ეს არ არის ბოლო და ერთადერთი აღიარება“, - აღნიშნა თორნიკე რიჟვაძემ.

მისი განცხადებით, ინკლუზიური ეკონომიკური განვითარების უზრუნველსაყოფად, აჭარის მთავრობამ, ცენტრალურ ხელისუფლებასთან კოორდინაციით, არაერთი მნიშვნელოვანი პროექტი განახორციელა. ამასთან, ეკონომიკური პოლიტიკა მიმართულია საინვესტიციო გარემოს გაუმჯობესებაზე.

საგრძნობლად გაზრდილი ბიუჯეტით განხორციელებული პროგრამების, პროექტების წარდგენისას, მომხსენებელმა ხაზგასმით აღნიშნა, რომ მზარდი ეკონომიკის პირობებში, აჭარის მომავალი წლის ბიუჯეტი მილიარდ ლარს მიაღწევს, რაც რეგიონისა და ქვეყნისათვის კიდევ მეტი სასიკეთო საქმის გაკეთების შესაძლებლობა იქნება.

მთავრობის თავმჯდომარემ თითოეულ ქართველს იოანე ზოსიმეს ხელნაწერის დაბრუნება მიულოცა და აქვე, ქართველ ფეხბურთელებს წარმატებები უსურვა ევროპის ჩემპიონატზე.

ვრცელი და დეტალური ანგარიშის წარდგენის შემდეგ, მთავრობის თავმჯდომარემ უპასუხა კანონმდებელთა კითხვებს და მოისმინა მათი შეფასებები.

„ანგარიში მოიცავდა ყველა გაკეთებულ საქმეს, გამოწვევებს, რომლებიც გვაქვს, თუმცა არ არსებობს საქმე გამოწვევისა და კრიტიკის გარეშე, თუმცა კრიტიკასაც უნდა შევხედოთ ჯანსაღი თვალით. ყველა აქცენტი, რომელიც გაკეთდა ამ დარბაზში, ძალიან მნიშვნელოვანია და ჩვენი პარტნიორული თანამშრომლობა აღმასრულებელ ხელისუფლებასთან, მეტი წარმატების მომტანია“, - განაცხადა დავით გაბაიძემ სხდომის დასასრულს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის