პიტერ სიიარტო - უკრაინის ევროკავშირში გაწევრიანების შესახებ მოლაპარაკებების ჩარჩო უნგრეთს ყველა პირობას მოიცავს

უნგრეთის საგარეო საქმეთა მინისტრის, პიტერ სიიარტოს განცხადებით, მისმა სახელმწიფომ მიაღწია ყველა თავისი პირობის ჩართვას მოლაპარაკებების ჩარჩოში, რომლის საფუძველზეც უკრაინის ევროკავშირში გაწევრიანების შესახებ მოლაპარაკებები წარიმართება.

სიიარტო აცხადებს, რომ მწვავე დისკუსიების შემდეგ, ევროკავშირი დასთანხმდა, რომ უკრაინის მოლაპარაკებების ჩარჩო უნდა შეიცავდეს უნგრეთის ყველა მოთხოვნას ეროვნული უმცირესობების უფლებების პატივისცემის შესახებ.

„ზოგიერთ წევრ სახელმწიფოს არ სურდა ამის შესახებ პირობების მოსმენა, მაგრამ მკაფიოდ განვაცხადეთ, რომ დაჟინებით მოვითხოვთ უმცირესობების უფლებების აღდგენას თავიანთი ეროვნული იდენტობის შენარჩუნებასთან, მშობლიური ენის გამოყენებასთან და მშობლიურ ენაზე სწავლასთან დაკავშირებით“, - წერს უნგრეთის პრემიერი სოციალურ ქსელში.

სიიარტოს განცხადებით, მოლაპარაკებების ჩარჩოში მითითებულია, რომ უკრაინამ „ზაკარპატიელ უნგრელებს ბოლო წლებში წართმეული უფლებები უნდა დაუბრუნოს“.

შეგახსენებთ, გუშინ, ევროკავშირის წევრი ქვეყნების ელჩებმა უკრაინისთვისა და მოლდოვისთვის გაწევრიანების შესახებ მოლაპარაკებების ჩარჩოები შეათანხმეს. ევროკავშირის წევრი ქვეყნების მუდმივი წარმომადგენლების (ელჩების) აღნიშნული გადაწყვეტილება ნიშნავს, რომ 25 ივნისს შედგება სამთავრობოთაშორისო კონფერენცია, რომელიც ოფიციალურ სტარტს მისცემს უკრაინისა და მოლდოვის ევროკავშირში გაწევრიანების შესახებ მოლაპარაკებებს. უნგრეთი მუდმივი წარმომადგენლების დონეზე აღნიშნული გადაწყვეტილების ბლოკირებას ახდენდა. იმ შემთხვევაში თუ უნგრეთი პოზიციას არ შეიცვლიდა, მოლაპარაკებების გახსნა 2024 წლის მეორე ნახევრამდე შეიძლება გაჭიანურებულიყო, როდესაც სწორედ ბუდაპეშტს უწევს ევროკავშირის საბჭოს თავმჯდომარეობა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის