თბილისის აეროპორტიდან EURO 2024-ზე ქომაგების პირველი ნაკადი გაემგზავრა

დღეიდან, საქართველოს მთავრობის მიერ სუბსიდირებული ავიარეისების შესრულება დაიწყო. ინფორმაციას საქართველოს აეროპორტების გაერთიანება ავრცელებს.

მათივე ცნობით, თბილისის საერთაშორისო აეროპორტში საქართველოს ნაკრების ქომაგების პირველი ნაკადი გაფრინდა.

პირველი რეისი ცოტა ხნის წინ ავიაკომპანია HI SKY-ის კუთვნილი ბორტით შოთა რუსთაველის სახელობის აეროპორტიდან განხორციელდა, რომელიც დიუსელდორფში საქართველოს 250 მოქალაქეს ჩაიყვანს.

საქართველოს აეროპორტების გაერთიანების გენერალური დირექტორის, ირაკლი ქარქაშაძის განცხადებით, ბილეთების გაყიდვის მონიტორინგს ასევე, მგზავრების რეგისტრაციის პროცესს სრულად აეროპორტების გაერთიანება უზრუნველყოფს.

"თბილისის საერთაშორისო აეროპორტში EURO 2024-ზე პირველი ქართველი გულშემატკივრების გამგზავრების პროცესს დილიდან ვუწევთ მონიტორინგს. ჯამში, ჩვენ 5300-მდე ბილეთი გავყიდეთ, რომლითაც ისარგებლს საქართველოს მოქალაქეებმა. მათ ექნებათ შესაძლებლობა, რომ დაესწრონ ისტორიულ საფეხბურთო მატჩებს. წარმატებებს ვუსურვებ საქართველოს ეროვნულ ნაკრებს ევროპის ჩემპიონატზე. რა თქმა უნდა, ჩვენ ზედამხედველობას გავუწევთ ყველა ფრენას, რომელიც შესრულდება როგორც საქართველოდან, ისე გერმანიიდან თბილისის მიმართულებით. ჩვენი წარმომადგენლები იქნებიან იმისთვის, რომ მგზავრებს ჰქონდეთ მაქსიმალური კომფორტი, ფრენები უპრობლემოდ და უხარვეზოდ შესრულდეს“,- განაცხადა ირაკლი ქარქაშაძემ.

საქართველოს აეროპორტების გაერთიანების ცნობით, 16 ივნისიდან 30 ივნისის ჩათვლით, თბილისისა და ქუთაისის საერთაშორისო აეროპორტებიდან და პირიქით, გერმანიის სხვადასხვა ქალაქის მიმართულებით, ჯამში 17 სუბსიდირებული ჩარტერული და რეგულარული რეისი შესრულდება.

მათი ინფორმაციით, საქართველოდან გამფრენი მგზავრები რეგისტრაციაზე, შესაბამის აეროპორტებში, 3 საათით ადრე უნდა გამოცხადდნენ და სხვა სამგზავრო დოკუმენტებთან ერთად თან უნდა იქონიონ საქართველოს ფეხბურთის მატჩზე დასასწრები ბილეთები.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის