ნიკა მელია - ბატონი კალაძე და ივანიშვილი გამოუვალ მდგომარეობაში არიან, ცდილობენ, გააბაიბურონ, დააკნინონ საერთაშორისო პარტნიორის მიერ დაწესებული სანქცია - ცდილობენ იხტიბარი არ გაიტეხონ

ბატონი კალაძე და ივანიშვილი გამოუვალ მდგომარეობაში არიან. ისინი ცდილობენ, გააბაიბურონ, დააკნინონ ნებისმიერი ჩვენი საუკეთესო საერთაშორისო პარტნიორის მიერ დაწესებული სანქცია, - ამის შესახებ პარტია „ახალის“ ერთ-ერთმა ლიდერმა, ნიკა მელიამ ჟურნალისტებს განუცხადა.

მისი თქმით, „ქართული ოცნების” ლიდერები ხვდებიან, რომ მთელი დემოკრატიული სამყარო ქართული საზოგადოების ჩათვლით გადაიკიდეს, თუმცა მედიის თანდასწრებით ცდილობენ იხტიბარი არ გაიტეხონ.

„წილი ნაყარია, ქართულმა ოცნებამ“ საგარეო პოლიტიკური კურსი აირჩია, ქართველმა ხალხმა საპირისპირო პოზიცია დააფიქსირა. ეს ყველაფერი სულ რაღაც 5 თვეში უნდა გადაწყდეს. ბატონი კალაძე და ივანიშვილი გამოუვალ მდგომარეობაში არიან. ისინი ცდილობენ, გააბაიბურონ, დააკნინონ ნებისმიერი ჩვენი საუკეთესო საერთაშორისო პარტნიორის მიერ დაწესებული სანქცია. კალაძე საუბრობს, პრობლემა არ არის, რომ აშშ-ში ვერ გაემგზავრება. მთელი რიგი ფინანსური და სხვა ტიპის სანქციები რა თქმა უნდა, დაწესდება, მათ შორის უშუალოდ კალაძის წინააღმდეგ, თუმცა, კალაძისგან ნუ მოველით იმას, რომ მედიის წარმომადგენლების თანდასწრებით გამოვა და თუნდაც ნიანგის ცრემლებს დაღვრის. ის ცდილობს არ აჩვენოს მისი რეალური მდგომარეობა, რომელიც რეალურად არის უმძიმესი. ისინი აცნობიერებენ რამდენად ჩიხში შევიდნენ და გადაიკიდეს მთელი დემოკრატიული სამყარო თავისი ქართული საზოგადოების ჩათვლით, თუმცა მედიის თანდასწრებით ცდილობენ იხტიბარი არ გაიტეხონ და წარმოჩინდნენ, თითქოს არ ღელავენ. სინამდვილეში, ძალიან კარგად ვიცით, რომ ჯერ არავის მოუგია დემოკრატიული სამყაროს წინააღმდეგ ბრძოლა და ვერც კალაძე და ვერც ივანიშვილი იქნება გამონაკლისი“, - განაცხადა მელიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია