„საყდრისის კომიტეტი კულტურული მემკვიდრეობისთვის“ წევრები - ირაკლი მამალაძე და დარეჯან ბრეგვაძე სათხის მონასტერთან დაკავშირებით განცხადებას ავრცელებენ

„საყდრისის კომიტეტი კულტურული მემკვიდრეობისთვის“ წევრები - ირაკლი მამალაძე და დარეჯან ბრეგვაძე სათხის მონასტერთან დაკავშირებით განცხადებას ავრცელებენ.

განცხადებაში ისინი ეხმაურებიან „მოძრაობა კულტურული მემკვიდრეობისთვის“ ინფორმაციას, რომ სათხის მონასტერი „უმძიმეს მდგომარეობაშია“ და განმარტავს, რომ უახლოეს მომავალში გეგმავს სპეციალური სარევიზიო კომისიის შექმნას და სათხის მონასტრის სარეაბილიტაციო სამუშაოების განუხორციელებელი მესამე ეტაპის სამართლებრივ შეფასებას.

განცხადებაში აღნიშნულია, რომ „საყდრისის კომიტეტი კულტურული მემკვიდრეობისთვის“ ინიციატივით სათხის მონასტერზე დაიწყო და განხორციელდა საპროექტო, სარესტავრაციო და საკონსერვაციო სამუშაოები.

“ვინაიდან „საყდრისის კომიტეტი კულტურული მემკვიდრეობისთვის“ ინიციატივით, სათხის მონასტერზე დაიწყო და განხორციელდა საპროექტო, სარესტავრაციო და საკონსერვაციო სამუშაოები, თავს ვალდებულად ვთვლით, გამოვეხმაუროთ 2024 წ. 14 ივნისს „ინტერპრესნიუსზე“ გავრცელებულ განცხადებას, რომელშიც საუბარია სათხის მონასტრის მთავარი ტაძრის სავალალო მდგომარეობასა და შეჩერებულ სარესტავრაციო სამუშაოებზე.

განცხადებაში აღნიშნულია, რომ 2022 წელს ძეგლის სარესტავრაციო სამუშაოები თითქოს და გაურკვეველი მიზეზებით შეჩერებული იქნა, რაც არ შეესაბამება სიმართლეს, კერძოდ, სამუშაოების შეჩერების გამომწვევი მიზეზი პროცესში ჩართული ყველა მხარისთვის ცნობილია. შესაბამისად, აღნიშნულ განცხადებას მივიჩნევთ სპეკულაციად და საზოგადოების შეცდომაში შეყვანის მიზანმიმართულ მცდელობად, რადგან აღნიშნული განცხადების გამავრცელებელი ორგანიზაციისა და მისი ხელმძღვანელისთვის ზედმიწევნით ცნობილია სათხის მონასტრის სარეაბილიტაციო სამუშაოების შეჩერების მიზეზი.

აქვე გვსურს, დამატებით ვაცნობოთ საზოგადოებას, რომ „საყდრისის კომიტეტი კულტურული მემკვიდრეობისთვის“ უახლოეს მომავალში გეგმავს სპეციალური სარევიზიო კომისიის შექმნას და სათხის მონასტრის სარეაბილიტაციო სამუშაოების განუხორციელებელი მესამე ეტაპის სამართლებრივ შეფასებას.

საზოგადოებას შევახსენებთ, რომ „საყდრისის კომიტეტის“ ინიციატივით და ჩართულობით სავალალო მდგომარეობაში მყოფ სათხის მონასტერზე ჩატარდა უმნიშვნელოვანესი სარეაბილიტაციო სამუშაოები, რომელშიც ჩართული იყო აღიარებული იტალიელი სპეციალისტი სტეფანო ვოლტა, რომელმაც ადგილზე დაგეგმა კრიტიკულად მნიშვნელოვანი აღდგენითი სამუშაოები. 2019 წ. გამაგრდა მონასტრის საძირკველი, 2020 წ. კი განხორციელდა კედლების გადაწყობა და კონქის გამაგრება-შენარჩუნება.

„საყდრისის კომიტეტი კულტურული მემკვიდრეობისთვის“ მიზანია სათხის მთავარი მონასტრის სრული აღდგენა და მისთვის ძველი დიდების დაბრუნება”, - წერია მათ განცხადებაში.

შეგახსენებთ, „მოძრაობა კულტურული მემკვიდრეობისთვის“ ინფორმაციით, კულტურული მემკვიდრეობის ძეგლების გაწმენდა - დასუფთავების საზაფხულო კამპანიის ფარგლებში სათხის მონასტრის დასუფთავება დასრულდა. მოძრაობის ინფორმაციით, ხანგრძლივი წვიმების გამო გართულებული სამუშაოები სამ ეტაპად მიმდინარეობდა. მცენარეული საფარისგან სრულად გაიწმინდა ძეგლის მიმდებარე ტერიტორია ეზო და თავად ტაძარი. როგორც, ორგანიზაციის ხელმძღვანელი ნინო ბურჭულაძე აცხადებს, ბოლნისის მუნიციპალიტეტში მდებარე X-XI საუკუნის უნიკალური - ეროვნული მნიშვნელობის კატეგორიის კულტურული მემკვიდრეობის ძეგლი სათხის მონასტერი "დღეს უმძიმეს მდგომარეობაშია".

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია