ოთარ შამუგია მოლდოვის რესპუბლიკის საგანგებო და სრულუფლებიან ელჩს საქართველოში ალექსანდრ ესაულენკოს შეხვდა

გარემოს დაცვისა და სოფლის მეურნეობის მინისტრი ოთარ შამუგია მოლდოვის რესპუბლიკის საგანგებო და სრულუფლებიან ელჩს საქართველოში ალექსანდრ ესაულენკოს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, შეხვედრაზე მხარეებმა ქვეყნებს შორის სავაჭრო ურთიერთობების გაღრმავების საკითხები და საინვესტიციო შესაძლებლობები განიხილეს.

„მოხარული ვარ, თქვენთან შეხვედრით. მოგეხსენებათ, ჩვენი ქვეყნები გადიან ევროკავშირში ინტეგრაციის რთულ და საპასუხისმგებლო გზას. ვფიქრობ, კოორდინირებული და ეფექტიანი თანამშრომლობით შევძლებთ სასურველი მიზნის მიღწევას და დროულად გავხდებით ევროპული ოჯახის წევრები“,- განაცხადა ოთარ შამუგიამ.

შეხვედრის ფარგლებში, მინისტრმა სოფლის მეურნეობისა და გარემოსდაცვითი მიმართულებით განხორციელებული სახელმწიფო ხელშემწყობი პროგრამების შესახებ ისაუბრა და ყურადღება საექსპორტო პოტენციალის მქონე სოფლის მეურნეობის პროდუქტებზე გაამახვილა.

„საქართველოს სოფლის მეურნეობის და გარემოსდაცვის მიმართულებით მნიშვნელოვანი პროგრესი აქვს. მოხარული ვიქნებით თუ მოგვეცემა გამოცდილების გაზიარების და სავაჭრო ურთიერთობების გაღრმავების შესაძლებლობა“,- განაცხადა ალექსანდრ ესაულენკომ.

მათივე ცნობით, საუბარი საქართველო-მოლდოვის ორმხრივი ბიზნესფორუმის ორგანიზების საკითხს შეეხო, რაც ხელსაყრელ გარემოს ქმნის საქმიანი ურთიერთობების განვითარებისთვის.

მათივე ინფორმაციით, გარემოს დაცვისა და სოფლის მეურნეობის სამინისტროში გამართულ შეხვედრას, შესაბამისი სამსახურის ხელმძღვანელები ესწრებოდნენ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი