თსუ-ში კომპიუტერული თამაშების ფესტივალი გაიმართა

თბილისის ივანე ჯავახიშვილის სახელმწიფო უნივერსიტეტში კომპიუტერული თამაშების ფესტივალი „თბილისი დიჯიტალ არენა“ გაიმართა, რომლის მიზანიც კომპიუტერული ინდუსტრიის პოპულარიზაცია იყო. ამის შესახებ ინფორმაციას უნივერსიტეტის ადმინისტრაცია ავრცელებს.

როგორც გავრცელებულ განცხადებაშია ნათქვამი, ღონისძიების ფარგლებში მოეწყო სხვადასხვა სახის შეჯიბრი, სადაც არა ერთი გამარჯვებული გამოავლინეს.

„ივანე ჯავახიშვილის სახელობის თბილისის უნივერსიტეტში სამი დღის განმავლობაში მიმდინარეობდა კომპიუტერული თამაშების ფესტივალი „თბილისი დიჯიტალ არენა“, რომლის მთავარი ფოკუსი იყო კომპიუტერული თამაშების ინდუსტრია. ღონისძიების ორგანიზატორები იყვნენ თსუ-ს სტუდენტური კლუბი “ინოვაციური ტექნოლოგიების კლუბი” და მისი პარტნიორი გეიმიგ სტუდიო “რევოლტ ინტერთაიმენთი”.

ღონისძიების მთავარი მიზანი იყო საქართველოში კომპიუტერული თამაშების ინდუსტრიის პოპულარიზაცია და განვითარება. სამი დღის განმავლობაში მიმდინარეობდა სხვადასხვა საინტერესო ღონისძიება: გეიმჯემი, სადაც 48 საათის განმავლობაში ერთმანეთს ეჯიბრებოდა 33 გუნდი, ხოლო საბოლო პროტოტიპის შექმნა შეძლო 17-მა გუნდმა, გაიმართა ი-სპორტის შიდა საუნივერსიტეტო შეჯიბრები Fifa-სა და Mobile legend-ში, მოეწყო ქართული გეიმინგ სტუდიების შოურუმი, ქოსფლეის შეჯიბრი.

ღონისძიებაზე, ქართველმა და პოლონელმა ექსპერტებმა წაიკითხეს საინტერესო ლექციები და სემინარები კომპიუტერული თამაშების შექმნის თემატიკასთან დაკავშირებით; მოეწყო სხვადასხვა ტიპის აქტივობები: რეტრო გეიმინგი, სამაგიდო თამაშები, ქართული ინდი ფილმების ჩვენება და სხვა გასართობ-შემეცნებითი აქტივობები.

„თბილისი დიჯითალ არენას“ დასკვნითი დღე დაეთმო გამარჯვებული გუნდებისა და მონაწილეების გამოვლენას და დაჯილდოების ცერემონიას.

ფესტივალის მხარდამჭერები იყვნენ თსუ, კოინმანია (ქართული კრიპტო ექსჩეინჯი), ზუმერი და პოლონური Digital dragons (ერთ-ერთ ყველაზე ცნობილი გეიმინგ კონფერენციის ორგანიზატორები), რომლებმაც პირველ ადგილზე გასულ გუნდს ჰაკათონში პრიზად გადასცეს ბილეთები მათ ღონისძიებაზე.

ღონისძიების ორგანიზატორების თქმით, კომპიუტერული თამაშების ინდუსტრია ერთ-ერთი ყველაზე საინტერესო და მნიშვნელოვანი ინდუსტრიაა დღევანდელ მსოფლიოში. იგი მეორე ადგილზეა მედია ინდუსტრიებში, 300 მილიარდამდე ბაზრის მოცულობით და ყველაზე სწრაფი ზრდის ტემპით. ორგანიზატორების განცხადებით, „თბილისი დიჯიტალ არენა” აქტიურად იზრუნებს საქართველოში კომპიუტერული თამაშების ინდუსტრიის განვითარებაზე“, - ნათქვამია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი