ჯაბა სამუშიამ ნიდერლანდების სამეფოს საგანგებო და სრულუფლებიან ელჩთან საქართველოში სამუშაო შეხვედრა გამართა

თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ნიდერლანდების სამეფოს საგანგებო და სრულუფლებიან ელჩთან საქართველოში მელინე არაკელიანთან სამუშაო შეხვედრა გამართა.

შეხვედრაზე მხარეებმა თსუ-სა და ნიდერლანდების სამეცნიერო წრეების წარმომადგენელთა ერთობლივი სამეცნიერო პროექტების განხორციელებაზე, მათ შორის, ქართველი და ნიდერლანდელი სამეცნიერო ჯგუფების HORIZON პროექტებში ერთობლივ მონაწილეობაზე იმსჯელეს.

თბილისის სახელმწიფო უნივერსიტეტის რექტორის ჯაბა სამუშიას თქმით, ნიდერლანდების სამეფო ერთ-ერთი იმ ქვეყანათაგანია, სადაც აკადემიურ დონეზე ისწავლება ქართული ენა.

„ჩვენი პროფესორები ლაიდენის უნივერსიტეტში ასწავლიან ქართულს. ეს თანამშრომლობა ჩვენი ქვეყნისთვის ძალიან მნიშვნელოვანია და გვსურს, რომ ურთიერთობები კიდევ უფრო გავაღრმაოთ და გავაფართოოთ. თითქმის ყველა მიმართულებით გვაქვს კვლევითი პროექტები, მათ შორის, თსუ მეცნიერები და თსუ სამეცნიერო-კვლევითი ინსტიტუტების წარმომადგენლები საერთაშორისო სამეცნიერო პროექტებში არიან ჩართული და ვფიქრობ, ჩვენი მეცნიერების დაკავშირება ნიდერლანდების სამეცნიერო ფონდთან იქნება ძალიან მნიშვნელოვანი“, - განაცხადა ჯაბა სამუშიამ.

ნიდერლანდების სამეფოს საგანგებო და სრულუფლებიანმა ელჩმა საქართველოში მელინე არაკელიანმა შეხვედრაზე აღნიშნა, რომ თბილისის სახელმწიფო უნივერსიტეტსა და ნიდერლანდების უმაღლეს სასწავლებლებს შორის თანამშრომლობის გაღრმავების მიზნით, საელჩო ხელს შეუწყობს სამეცნიერო წრეებს შორის კავშირის დამყარებას, მობილობის მიზნით დაფინანსების წყაროების მოპოვებას, ასევე ერთობლივი ლექციების ორგანიზებას.

შეხვედრის შემდეგ ნიდერლანდების ელჩმა თბილისის სახელმწიფო უნივერსიტეტის სტუდენტებისთვის საჯარო ლექცია წაიკითხა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო