ვლადიმერ პუტინის ჩრდილოეთ კორეაში ვიზიტი აჩვენებს, თუ რამდენად დამოკიდებულია მოსკოვი ავტორიტარულ ქვეყნებზე, - ამის შესახებ ნატო-ს გენერალურმა მდივანმა, იენს სტოლტენბერგმა ვაშინგტონში ჟურნალისტებს განუცხადა.

„ეს აჩვენებს, თუ რამდენად დამოკიდებულია პრეზიდენტი პუტინი და მოსკოვი მსოფლიოს ავტორიტარულ ქვეყნებზე. მათი უახლოესი მეგობრები და რუსეთის ომის ძალისხმევის, აგრესიული ომის, ყველაზე დიდი მხარდამჭერები, ჩრდილოეთ კორეა, ირანი და ჩინეთი არიან“, - განაცხადა იენს სტოლტენბერგმა.

ნატო-ს გენერალურმა მდივანმა აღნიშნა, რომ ჩრდილოეთ კორეის წინააღმდეგ უკვე ბევრი სანქციაა დაწესებული, მაგრამ რუსეთი სანქციებს არღვევს.

ცნობისთვის, ვლადიმერ პუტინი ჩრდილოეთ კორეას 18-19 ივნისს ეწვევა.