თბილისის სახელმწიფო უნივერსიტეტი სირაკუზის სისხლის სამართლის მართლმსაჯულებისა და ადამიანის უფლებათა საერთაშორისო ინსტიტუტის „ვორქშოფს“ მასპინძლობს

თბილისის სახელმწიფო უნივერსიტეტი სირაკუზის სისხლის სამართლის მართლმსაჯულებისა და ადამიანის უფლებათა საერთაშორისო ინსტიტუტის „ვორქშოფს“ მასპინძლობს, რომლის ფარგლებში ქართველ პროკურორებსა და გამომძიებლებს შესაძლებლობა აქვთ სფეროს უცხოელი ექსპერტებისგან მიიღონ პრაქტიკული ცოდნა საერთაშორისო სისხლის სამართალში, კერძოდ, განსაკუთრებით მძიმე დანაშაულების გამოძიებისა და სისხლისსამართლებრივი დევნის კუთხით. აღნიშნულის შესახებ ინფორმაციას თსუ ავრცელებს.

მათივე ცნობით, საპილოტე სასწავლო პროგრამა (REACT) თსუ იურიდიული ფაკულტეტის შედარებითი და ტრანსნაციონალური სისხლის სამართლის ინსტიტუტსა და სირაკუზის სისხლის სამართლის მართლმსაჯულებისა და ადამიანის უფლებათა საერთაშორისო ინსტიტუტს (სირაკუზის ინსტიტუტს) შორის გაფორმებული მემორანდუმის ფარგლებში მიმდინარეობს.

„აღნიშნული პროექტი წარმოადგენს სირაკუზის ინსტიტუტის ინიციატივას, რომელიც საქართველოს გენერალურ პროკურატურასთან თანამშრომლობით ხორციელდება და ეხება საპილოტე სასწავლო პროგრამას ქართველი გამომძიებლებისა და პროკურორებისათვის.

სასწავლო პროგრამა მოიცავს პროკურორებისა და გამომძიებლების კვალიფიკაციის ამაღლებას სისხლის სამართლის საერთაშორისო სასამართლოს განსჯად ისეთ დანაშაულებზე, როგორებიცაა ომის დანაშაული, აგრესია, გენოციდი და ადამიანურობის წინააღმდეგ მიმართული დანაშაულები.

ღონისძიების გახსნას თსუ-ს რექტორის მოადგილე ნინო გვენეტაძე, იურიდიული ფაკულტეტის დეკანის მოადგილე გიორგი დგებუაძე, საქართველოს გენერალური პროკურორის მოადგილე ნათია მერებაშვილი, საქართველოს საკონსტიტუციო სასამართლოს თავმჯდომარე მერაბ ტურავა, სირაკუზის საერთაშორისო ინსტიტუტის წარმომადგენლები, ლეიდენის უნივერსიტეტის პროფესორები, დარგის ქართველი და უცხოელი სპეციალისტები ესწრებოდნენ.

სირაკუზის სისხლის სამართლის მართლმსაჯულებისა და ადამიანის უფლებათა საერთაშორისო ინსტიტუტის პრეზიდენტმა, ჟან-ფრანსუა ტონიმ სემინარის მონაწილეებთან საპილოტე სასწავლო პროგრამის მნიშვნელობაზე, ასევე, საერთაშორისო სისხლის სამართლის გამოწვევების შესახებ ისაუბრა და მადლობა გადაუხადა თბილისის სახელმწიფო უნივერსიტეტს პროექტის განხორციელებაში მხარდაჭერისთვის. მისი თქმით, REACT სასწავლო პლატფორმა პროექტის მონაწილეებს შესაძლებლობას აძლევს გაუზიარონ გამოცდილება ერთმანეთის. ასევე, პროექტი ხელს შეუწყობს კოლეგებს შორის თანამშრომლობის გაძლიერებას.

ქართველი და უცხოელი დარგის სპეციალისტების მონაწილეობით სესიები თბილისის სახელმწიფო უნივერსიტეტში 18-დან 27 ივნისის ჩათვლით გაიმართება“, - აღნიშნული ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის