საქართველოს პრეზიდენტი სალომე ზურაბიშვილი დორტმუნდში ევროპის ჩემპიონატზე ფეხბურთის ეროვნული ნაკრების თამაშს დაესწრება - ამის შესახებ ინფორმაციას პრეზიდენტის ადმინისტრაცია ავრცელებს.

„საქართველოს პრეზიდენტი გერმანიის ფედერაციულ რესპუბლიკის ქალაქ დორტმუნდში ევროპის ჩემპიონატზე საქართველო - თურქეთის მატჩს დაესწრება და ეროვნულ ნაკრებს უგულშემატკივრებს” , - ნათქვამია ინფორმაციაში.

საქართველოს ფეხბურთის ეროვნული ნაკრები ისტორიაში პირველად ევროპის ჩემპიონატზე პირველ თამაშს თურქეთის წინააღმდეგ გამართავს. თამაში თბილისის დროით 20:00 საათზე დაიწყება.